سكريبت حلو بقلم سلسبيل محمود

علفكره انتي حلوة وتستاهلي كل خير متعيطيش
مين حضرتك 
انا كل خير
كانت رساله اتبعتتلي وانا بعيط فالجامعه مسحت وشي وبصيت حوليه وبعدين رجعت اكتب سبقني
وبعت مسدج  
متبصيش حوليكي كتير وقومي اغسلي وشك عشان بتبقي قمر وانتي زعلانه 
اتعصبت انت مين والا هعمل بلوك!
هعرف اكلمك برضو ايزي معايا أرقام كتير
عملت بلوك خلقي ضيق ومكنتش مستحمله حاجه ودخلت الحمام اعيط براحتي بدل الفضايح دي
خرجت لقيت واحد واقف قلبي دق بسرعه وحسيت ان هو و اتوترت بس طلع مستني واحده تانيه اتنهدت ومشيت شوية وفوني رن  
الو
علفكره انا معجب يعني مش طريقة تعامل دي وبعدين امشي براحه عشان العربيات  

قفلت في وشه وبصيت حوليه تاني ! ملقتش حد فضلت امد لحد البيت واخيرا وصلت جاتلي رساله تاني
عالواتس من رقم غريب
مش عايزك تزعلي ابدا مفيش حاجه تستاهل دموعك تنزل هاه واه متبقيش ټعيطي تاني وانتي بره ونامي كويس عشان هتروحي الجامعه بكره عندك سيكشن مهم 
شوفت المسدج وعملت سين منكرش اني ارتحت حبه بس مين دا اكيد حد فالجامعه!
تاني يوم  
صباح الخير ياريت تكوني نمتي كويس
بعد شوية 
بعد كدا لما يجي مترو وتلاقيه زحمه تستني غيره!!
ابتسمت ابتسامه هبله اوي معرفش سرها 
اخيرا وصلت الجامعه بالمناسبه انا كليه طب اسنان ودي اخر سنه ليا..
بعد السيكشن  
رساله تاني..
ممكن افهم انتي ازاى تقعدي جمب ولد وبعت ايموجي متنرفز و وشه احمر 
معرفش ليه ضحكت و بعتله كان في بينا مسافه
ازاى بعت كدا ولا ببر ليه اصلا
لو قعدتي جمب ولاد تاني هتلاقيهم مدبوحين قدام عينيك يا عسل 
قعدت اضحك ومردتش
بعد ثواني.. 
ومفيش تصبحي علي خير 
قفلت الفون وانا ببتسم تخيل شخص بيغير عليك وبيخاف عليك وبيهتم بيك وانت متعرفوش اصلا 
شوية ولاقيته بعت مسدج 
تصبحي على خير يا سولي
كمان عارف ان اسمي سلمي لا وبيقولي الدلع!
تالت يوم
ذاكري كويس الإمتحانات قربت 
رابع يوم 
عارف انك زعلانه لانك مش عارفه تذاكري كويس فات دقيقه وبعت صور كتير لمذكره وشرحها مرتب جد
ذاكري من دول على ضمنتي وان شاء الله ربنا يوفقك
يوم الامتحان 
ادعلي قبل ما تبدئي وخدي بالك من نفسك
بعد الامتحان
شوفتك وانتي مبسوطه اكيد عرفتس تحلي انا فخور بيكي جدا اشطر كتكوتة يسولي
رديت عليه بأمتنان شكرا اوي
انا جمبك فى اي وقت 
مش هتعرفني انت مين طيب ولا بتشوفني ازاى 
فاضل حبه وهتعرفي كل حاجه
خامس يوم.. 
صحيت على مسدجات كتير !
1 اتقدملك عريس
2 والله عال اوي يا هانم 
3 تعرفي لو قابلتيه
4 ولا تقعدي معاه حتي ولا تشوفيه
5 ارفضي رفض قاطع 
6 ومتكليش من علبه الشوكلاته الي جابها
7 رجعهالو 
8 خلي والدك يرجعها اوعي ترجعيها انتي
قريت كل دا