رواية خط@ف قلبي بقلم شهد محمد موسي
انت في الصفحة 1 من 12 صفحات
رواية عربـ*جي خط@ف قلبي
بقلم: شهد محمد موسي
_ إتكلمت بعصبية: إمممم خلصتي يا ملك!؟ ولا لسة في بلا@وي تاني عايزة تقوليها!!!؟
_إتنهدت ورديت: بلاوي إي بس يا مِنة!؟ هو أنا قولتلك إي يعني!!!
_زَ*عقت في وشي والناس إللي في الكافية عينيها بقت علينا: كُل دا ومقولتيش حاجة!!! يعني قولتي ظروفة علي قَده وهيجيب دِبلة بس وهيجيبلك خاتم دهب صيني وقولت ماشي هاخدك علي قد عقلك !! لكن بتفا@جأني إنه عربجي كمان!!!؟ إنتِ واعية يا سيادة الدكتورة!!؟
_كَملت برجاء وانا ببص حواليا: شششش إهدي الكافية كُله بيتفرج علينا يخرب@يتك!! "كَملت بض@يق" أه واعية يا مِنة وعارفة انا بعمل إي وعايزة إي!!
_لقتها بتشد شعرها جامد وراحت واخده نفس طويل وكَملت بنبرة حاولت جعلها هادئة: طَب بصي خلينا نتكلم بالعقل يا ملك هل العربجي دا هَيتوافق معاكِي فكريًا!؟ طَب سيبك من فكريًا هل إجتماعيا هينفع!!؟ يعني تبقي إنتِ دكتورة وليكِ مركزك وهو عربجي بيركب عربية بح@مار!!!!! حتي لو كان مُثقف ولا حتي لو أخد الإعدادية زي ما بتقولي بس في الأول والأخر إسمه عربجي!!!! هل دا يُعقل يا بنت الناس تتجوزي عربجي!!!!!؟
_إتكملت بنر@فزة وضيق ما خلاص صبري نفذ: أه يُعقل يا مِنة يُعقل طالما شُغله حلال يبقي يُعقل طالما بيخاف ربنا يبقي يُعقل طالما إبن ناس وأهله طيبين يبقي يُعقل ونص كمان طالما أنا راضية وموافقة يبقي يُعقل وسِتين يُعقل كمان إنتم مالكم بقي!!؟ فهميني!!؟ هي دي حياتي ولا حياتكم أنا إللي هتجوزه يا نااااااس مِش إنتم إفهموا بقي
_لَقيتها إتنرفزت عليا وخَب@طت بإيديها جامد علي الترابيزة وإتكلمت: إنتِ مجـ نونة يعني إي إحنا مالنا!!!؟؟ إحنا أهلك يا هانم ولا نسيتي!!! وأنا أختك أختك يا ملك يعني خايفة عليكِ وبدور علي مصلحتك!! ومصلحتك مِش مع العربجي دا مش بقلل منه أبدا لأنها شُغلانة زي أي شُغلانة بس..بس مِش لينا هو كويس لِواحده شبه مِن نفس طينته وطبقته والمكان إللي هو فيه لكن إحنا مِنفعناش!! إفهمي بقي
_خدت أنفاس متتالية كمحاولة إني أخفف من عصبيتي بس مقدرش كلامها مجـ نني فَـ ز.عقت جامد: لاء مِش هفهم ومش عايزة أفهم حاجة!!! لإنك زي غيرك بتفكروا في المظهر وِ بس بتحبوا المظاهر ومبتهتموش بجوهر الإنسان وبطلي تقولي أنا خايفة علي مصلحتك!! لإنك في الحقيقة خايفة علي مصلحة نفسك!!! خايفة إنه ميتقدملكيش حد عشان أختك هتتجوز واحد إنتِ والمجتمع المت@خلف شايفينه إنه قُليل أو حثا@لة!!! "كَمّلت وأنا بَبصلها بحزن ودموعي بتنزل " أنا مليش دعوة بنظرتكم له أنا ليا دعوة بنظرتي ونظرة ربنا له وأنا خلاص هتجوزه يا مِنة ودا آخر كلام عندي سواء عجبك أو لاء
خَلصت كلامي وقومت وقفت عشان أمشي بس مِسكت إيدي
أنا قولت خلاص بقي هتوافق ومش هيهون عليها تسيبني لوحدي فظهرت إبتسامة علي وشي بس للأسف إختفت في ثانية لما سِمعت كلامها!!!
بَصتلي بجمود وإتكلمت: لو عملتي إللي في دماغك دا هتبقي لا إنتِ أختي ولا أعرفك يا ملك
حَسيت إنه إتدلق عليا في اللحظة دِي جَردل مايه ساقعة!! معقولة إللي إسمعته أختي إللي فضلالي من الدنيا بعد مoت بابا وماما بتتخلي عندي بسهوله كِدا!!!؟ وكُل دا عشان شوية عقليات متخلفة وسَطحية موجودة في المجتمع شايفين إنه الراجل إللي قلبي إختاره قُليل ومَيلقش بيا!!؟ هو ليه بقينا نِحسب كُل حاجة بالمظاهر والبرستيج والمركز الإجتماعي!!!! هل دِي شروط ربنا حطها مثلا عشان نقدر نتجوز ونحب!!!! علي حد علمي الدين والخلق هما الأساس لكن لا مظهر ولا مركز إجتماعي إتذكر!!!! مَعقولة بجد أختي هتتخلي عني!!؟
_بَصتلها بوجع وصد@مة وإتكلمت بِثُقل: إنتِ..بتقولي إي!!!!!؟؟؟
_لَفت وِشها بعيد عني وكَملت بجفاء: إللي سِمعتيه يا ملك!! لو إتجوزتيه إنسي إنه ليكي أخت....
مَعرفتش أقول إي؟ ولا أعمل إي؟ بَصتلها بخز.ي وو.جع وسيبتها ومشيت طِلعت أجري من المكان كُله ودموعي بتنزل زي الشلال مَعرفش أنا راحية فين بس كُل إللي أعرفه دلوقت إني عايزة أبعد وأهرب من كُل حاجة...
__________________________________________
_بارك الله لكما وبارك عليكما وجَمع بينكما في خير
الناس بتسمع الجملة دِي وبتبقي الفرحة مِش سيعاها إنها أخيرا الشخص إللي بتحبه بقي حلالها بس أنا كان وضعي غير سِمعت الجملة دِي ودموعي نِزلت معقولة بتجوز لوحدي مِن غير ما حد من أهلي يكون معايا!!! حقيقي صعبة صعبة أوي عليا
لَقيت إيده الحنونة بتمشي علي وشي وبيمسحلي دموعي بِكل حُب وحنان وإتكلم بإبتسامة: مَعقولة في عروسة قمر كدا تِعيط!!!؟ لاء دا أنا أزعل وأجيب ناس تزعل كمان!!!
_إبتسمت بِحزن: كان نفسي مِنة تكون معايا أوي!! هي إللي فَضلالي من ريحة بابا وماما!!
_حاوط وِشي بإيديه وإبتسم إبتسامته الدافية إللي قادرة إنها تنسيني أي حاجة وغمازاته القمر بانت إبن اللذينة دا!!! وإتكلم: عارف وحاسس بيكِي وبو@جعك "إتنهد وكمل بنفس الإبتسامة" وعارف أنه أنا سبب و@جعك دا دلوقت وبسببي كُل دا بيحصل!! بس أنا بوعدك ووعد الحُر دين إني هحاول أعوضك عن كُل دا وهكون ليكِ أب وأم وأخت واخ وصاحب وزوج وكُل إللي نفسك يكون عندك وهديكي كُل الحب إللي أقدر عليه
