سكريبت جديد بقلم سلسبيل محمود
- زين جه تحت
= قولتيله يا ماما ؟!!
- اها قالتلي يا جميلة
خبيت وشي بعيد عنه
ماما خرجت وسابتنا
قفل الباب وقعد قدامي عالسرير
= بقي انا مكنتيش عوزاني اعرف يا جميلة ؟ كبرتي يعني وبقيتي تخبي عليا
فضلت موطيه راسي فا رفعها وشاف دموعي وبعدين خدني في ح .ضنه : هو انا مoت عشان تعيطي.؟
- مكنش برد كنت محتاجه حض ,نه قبل اي حاجه
كان بيكلمني وانا في حض ,نه وهوا بيطبطب عليا وبيرتب علي شعري كان عارف ان اماني معاه مهما كبرت مانا مليش غيره صاحب و رفيق
- ميستاهلش دموعك يا جميلة
اتكلمت وانا في حض ,نه = انا بعيط عشان كان عندك حق يا زين لما قولتلي ان مازن مش بيحبني صوره اتبعتتلي لحد عندي عارف يعني اية لحد عندي بيخو .ني واحنا بقالنا 9 شهور مخطوبين وكنا بنحدد فرحنا
خرجت من حضنه وانا منهاره
= ربنا بيحبني ؟؟ اتخد ,ع بالشكل ده بعد ما كنت فاكره اني خلاص لقيت حد يحبني
- ششششش
رجعني لحض ,نه وطبطب على راسي = انا بحبك ولا انا مش كفايه جرا اية العشر دقايق الي انتي اكبر مني بيهم مقوين قلبك يابت ؟
ضحكت وانا بعيط وبصيت لعيونه : مش فارقه اني اتولدت قبلك بعشر دقايق انا بحس اني بنتك برضو
= وتحسي ليه منتي بنتي فعلا وعشان كدا بقولك ربنا بيحبك حطك فى اختبار صغير عشان تتعلمي هو انا يا جميلة مكنتش قادر ارفضه؟ مع اني عارف انوه بتاع بنات بس عارفه ساعتها كنتي هتكرهيني لان مرايا الحب عاميه
= وانا غلطت عشان سبتك لي وخليتك تتوجعي
- سبتني ازاي بس انت لحد قبل الخطوبه بخمس دقايق بتكلمني وتقولي انوه زبا.له وانا كنت مغيبه
= ودلوقتي
- دلوقتي عرفت كل حاجه وكنت خايفه اقولك تلومني او تزعقلي مليش وش اتكلم
= مين قال كدا هوا الواحد لما بنته تغلط مش بيخاصمها شوية وخلاص برضو؟
- هتخاصمني يعني يا استاذ زين هي دي الاخوه
= مقدرش يا زقرده ، انا روحت ودتله حاجته لحد عنده
بدهشه - مازن! روحتله!!!
= اها
حطيت ايديا على وشي بقلق- ضربته قد اية يا زين
= والله مش كتير لاجل عيونك دي
= حسب تحمله بقي!
- تفتكر عنده قوة تحمل.؟
= ده ؟ بص لفوق بتفكير
= لا معتقدش ده شبه الواد الى كان في فيلم التجربه الدنماركيه
- الي اتجوز الخبره؟
= هو اها
- تصدق اه
طلع حاجه من معاه = تعالي بقي نشوف الشوكولاتة دي بتقول اي؟
نتشتها بسعاده - وتسهر معايا زي زمان
= انا واخد اجازة تلت ايام وسايب الفندق عشانك يا ست القمامير
- انت معايا التلت ايام دول ؟؟
= طبعا ها روبانزل ولا اريل؟
- تنه و رنه
= يوعدي يلا بينا
شالني وانا قعدت اضحك - يابني هقع
= تقعي ده اية انا بقالي شهر بروح الجيم وبدفع قد كدا
- يالهوي؟
= مالك
- جيم ؟ ده زمان مازن م١ت!!
ضحك وخرجنا نشغل تنه و رنه وهوا
شاليني زي العصفورة🐦💕
تمت رأيكم بقي يجدعانننن لو عجبتكم🥹🥹
