رواية لما كنا صغييرين بقلم سلسبيل محمود

- متخفش هنيجي بسرعه! 
= انتي مسكاني ليه المفروض العكس!
- تؤ انا الى عارفه الطريق!
= ماشي.............. هو احنا فين دلوقتي فين المحل؟
- مش عارفه كان جمبه الشجرة دي
= طيب يلا نرجع
- يلا
= يلا امشي انتي واقفة ليه؟ 
- مش عارفة هنرجع ازاي؟! 
= ايه! 
- مفروض نسأل حد كبير يودينا
بعـ،صبية أطفال: تؤ ! اسكتي بقي اسكتي خالص مش تكلمي تاني ماما هتزعقلي بسببك
= بس انا ماما مش هتزعقلي؟! اشمعنا انت؟! 
- مش عارف يعني دلوقتي ضعنا و
= زييييييييين !
صلي على محمد 
- انتي واقفة كدا ليه يا كناريا؟ لسه شكل الجر*ح مدايقك؟  

= ابداً انا بس مستغربة ان اثره موجود بعد السنين دي يا سارة الجرح موجود لكن هو لاء.
نهيت كلامي وانا ببتسم بسخريه
فا طبطبت عليا:  طيب نهدي كدا و نتكلم بعدين و يلا عشان قدامك دقايق على الاجتماع!
" خرجت و سابتني و انا بدأت افتكرت باقي الذكرة دي كنت بحاول انقذه و لكن العربية خبطتنا سوا كانت ابشع حدثه  انا وهو اتعورنا نفس الجرح  مش قادره انسي شكل ايده و هي غرقانه د***م 
و من يومها معرفش عنه حاجه معرفش ومش قادره انسي! ، الجرح خف و الوجع راح و لكن اثره موجود وبيخليني اعيد الذكرة وافتكر معاناتي من جديد "

سبحان الله وبحمده سبحان الله العظيم 
- كناريا ! 

= ايوه يا بابا؟ 
- مكنتيش مركزة ف اجتماع الشركة
= لأني كنت تعبانه قولت لحضرتك مش هقدر اروح لكن
قاطعها بعصبيه: يعني اي ؟؟؟ هوا الموضوع مش ترفيه ولا اختياري ده شغلنا و لازم تعرفيه و لا هسيب كل ده ورايا لمين ؟ 
- ده حمل تقيل عليا وانا لسه بدرس مش هقدر اوازن بين كل ده 
= انتي بتسمي الكيلة الهايفه الى دخلتيها دي دراسة ؟
- بابا لو سمحت! دي اختياري! 
= اختيار ملهوش اي لازمه و ضيعتي تعبك عالفاضي و اعملي حسابك انك هتروحي بكره بدري و كمان هتسافري معايا عشان المؤتمر 

- لا لا ارجوك بكره عندي امتحان و انا مذاكره عشانه كتير و 
قاطعها بسخريه: امتحان اية ده ؟؟؟ شخبطه على الحيط ؟؟؟ كلامي يتنفذ مفيش نقاش سامعه؟ 
اتكلمت و هي كاتمه دموعها:سامعه
" انسحب من قبل ما يسمع ردها " 

استغفر الله العظيم 
" مكنش عندي اختيار انا غالبا هسقط في امتحانات فنون جميلة و حلمي فيها ضاع من كتر ما بغيب عشان الشركة و دلوقتي كمان الامتحان الى ذاكرت لي راح عشان نوصل انا و بابا و كام موظف من الشركه للمؤتمر الي في ألمانيا" 
- المؤتمر الساعه 7 تجهزي قبلها مش عاوزين نتأخر
= حاضر.. هي سارة فين؟ 

- معرفش 
"  سابني و مشي و الفندق كان فاضي اتجهت ناحيه السلم و انا بطلع موبايلي و بعيط و خبطت في حد "
- sorry , my fault are you okay ?? 
( اسف هذا خطأي انتي كويسة ) 
اتكلمت بتوتر:  ولا يهمك اقصد I'm fine ( انا تمام )
بصلها بدهشه: انتي مصرية! 
- ايوا
= طيب انتي تايهه او محتاجه حاجه ؟