رواية حلم بقلم كريمه حماده

الاول
عادة الواحدة لما بتحب بتحب شخص موجود قصادها زى مثلا جارها زميلها قريبها لكن انتى حبيتى شخص ميعرفش انك عايشة اصلا
يوه وبعدين يا ليل مش قلبى اللى حبه ڠصب عنه
طيب طيب بعدين نكمل كلامنا فى الموضوع دا يلا سلام عشان متتاخريش على الشغل
تمام سلام
لبست الشوز واخدت حاجاتى وطلعت من البيت وابتديت يومى اه صح نسيت اعرفكم بيا انا رؤيا متخرجة من آداب علم النفس وحاليا بتدرب أخصائية تخاطبركبت الباص وقعدت جنب الشباك وبصيت للطريق بتوهان فيه ايوة يا جماعة الشخص اللى بحبه والله لو عرفتوا هو مين هتقولوا عليا مچنونة...بس هتعذرونى بعدين على الحب دا

وصلت مركز التدريب وطلعت وانا كلى حماس انى أبدا مع حالة جديدة بس اللى كان مستنينى غير كدا خالص..
رؤيا مدير المركز عايزك
رؤيا خير عايزنى ليه
مش عارفه اخلى وشوفى
رؤيا طيب وقبل ما ادخل عند المدير الغتت المتسلط بتاعى حابة اقولكم إن رؤيا هتتنقل نقلة تانية بعد اللقاء دا..
اسمها رؤيا جلال وعندها ٢٤ سنة وبتدرب حاليا فى مركز لذوى الاحتياجات الخاصة وكمان هى ساكنة فى قرية تابعة لمدينة قنا يا فندم
قام بهيبة وقفل زرار البدلة وقال بجمود عايزك تخلى بالك منها وتراقبها كويس واى حاجة تحصل معاها او تخصها تبلغنى فورا
تحت امرك يا عزيز باشا
مشى وقعد عزيز مكانه وفتح فونه وجاب صورتها وفضل مركز اوى فى وشها ...اتنهد وبص من ازاز الشركة وهو بيبتسم...بس ابتسامة عادية ولا وراها حاجة..
مش فاهمة يعنى اسيب المركز وادور على مركز تانى ليه
المدير اهو كدا يا رؤيا للاسف انتى مش هتكملى معانا 
حاولت اتمالك اعصابى وقولت بهدوء معلش يا فندم بس انا لسة معايا خمس حالات تانية واصلا قنا مفهاش غير المركز دا ولو فى هيكون بعيد وانت عارف كويس انى مقدرش اسافر اى بلد تانية
المدير ببرود مش مشكلتى يا رؤيا ودلوقتى اتفضلى وعدى على السكرتيرة وهتاخدى حسابك كامل
نوقف الزمن هنا ونقول خلاص يا جماعة انا اترفدت من التدريب ودى كانت النقلة التانية بس انا مش هضيع حقى من المدير الغتت دا وبصو هعمل ايه حركت صباعى بمعنى نرجع للحظة الراهنة وبكل عصبية زحت اللى على المكتب كله على الارض وضړبت الكرسى برجلى وقلبته وبصيت للمدير بعصبية وطلعت وانا مخڼوقة وهعيط بجد..
اتمشيت فى شوارع قنا لغاية ما وصلت عند نص الطريق وقعدت على كرسى استراحة وفضلت اعيط بجد والله يا جماعة..
الو عزيز باشا فى حاجة ضرورى بتحصل قدامى 
خير 
الانسة رؤيا خرجت من المركز وهى متعصبة وبتعيط وفضلت ماشى وراها لغاية ما اهى قاعدة قصادى وبتعيط جامد 
انت فين 
انا عند... يا فندم
وبعد خمس دقايق وصل عزيز ووقف قصاد رؤيا وهى بټعيط ومنزلة راسها لتحت اتنحنح وقال بهدوء بتعيطى ليه
رؤيا پبكاء لو سمحت سبنى فى حالى
عزيز ارفعى وشك وبصيلى
رفعت وشى بعصبية ودموعى مغرقة وشى وقولت يوووه نعم عا...
وقف الزمن عند اللحظة اول ما شوفته هوعزيز سلطان اشهر رجل اعمال فى قنا وسنه صغير ومحدش يقدر يقابله ابدا وقبلهم عزيز قلبى ايوة يا جماعة هو دا اللى بطل حياتى وحلمها هو دا اللى بحبه وانا دلوقتى دايخة وحاسة هقع الحقونى مية بسكر بسرعة 
عزيز مالك تنحتى كدا ليه
رؤيا رمشت بعيونها ببلاهة وقالت ها
ربع عزيز ايديه على صدره وابتسم بخفة وقال بهدوء كنتى بتعيطى ليه يا رؤيا
رؤيا پصدمة انت تعرفنى 
اتهرب عزيز من الاجابة وكرر سؤاله كنتى بتعيطى ليه ومش هسال تانى
اتعصبت منه ورديت وانت مالك واوعى وسع من طريقى بقى خلينى امشى
اتقدمت خطوتين ووقفنى صوته وهو بيقول هنتقابل تانى يا رؤيا
انا سمعت اسمى منه وحسيت انى ليا جناحات وبطير فى السماء بالله ينفع اروح اقوله انى بحبه طيب...
بعد ما مشيت رؤيا لبس عزيز نضارته وفتح باب عربيته وقبل ما يركب وجه كلامه للى بيراقب رؤيا وقال ببرود معاك ظرف ساعة تعرفلى طلعت من المركز بټعيط ليه وتبلغنى مفهوم 
امرك يا باشا
ركب عزيز عربيته وقبل ما يتحرك خرج فونه وفتحه على صورتها وقال بغلب هتتعبينى معاكى يا رؤيا هتعب اوى بس كله يهون لأجل انى اوصل للى عايزه منك...
يعنى عزيز سلطان
رجل الأعمال الشهير فى قنا اللى محدش يعرف يوصله اصلا ولا بيشوفه غير على السوشيال او التلفزيون كان واقف قصادك وبيسالك ليه بتعيطى يا رؤيا
رؤيا بتوهان ايوة
وقالك هنتقابل تانى
حطيت ايدى على خدى بهيام ورديت بهمس اممممممم
لولولولولوبولولى يا الف نهار ابيض عزيز قلبك كلمك بنفسه النهاردة
رؤيا بفرحة ايوة يا ليل شوفتى ازاى انا كان هيغمى عليا ساعتها
ليل بس انا عايزة اعرف هو شافك صدفة وانتى بتعيطى ولا ايه ولا ازاى بقى
رؤيا بحيرة معرفش يا ليل بس كان بيتكلم بثقة كدا كأنه يعرفنى دا غير انه يعرف اسمى فعلا
ليل بتفكير اممممم شكله غامض عزيز سلطان دا
قومت ووقفت جنب الشباك وانا ببص للشارع بحزن وقولتلها اكيد صدفة يا ليل اما عرف اسمى ازاى ممكن كان حاضر حفلة الميتم اللى كنت فيها وسمع اسمى بالصدفة وشافنى هناك..
ليل بخبث لا بس قوليلى شكله على الحقيقة احلى زى الصور ولا
افتكرت هيئته وهو واقف قصادى دقة قلبى القوية وشعور حلو اوى حسيت بيه مكنتش اصدق فى يوم ان الشخص اللى حبيته من مجرد صور على الفيس ولا لقاءات معاه على التفلزيون وبقى عزيز قلبى اشوفه على الحقيقة النهاردة واتكلم معاه كمان..جماعة اوعوا تقولوا عليا هبلة او مچنونة والله ازعل اوى منكم..دا لسة الحكاية طويلة اوى..
بعد ساعة رغى ما بين ليل ورؤيا على عزيز قطعهم رنة فون رؤيا وكان من المركز..
رؤيا باستغراب غريبة رقم المركز بيرن عليا
ليل ردى يمكن حاجة مهمة
رؤيا الو 
رؤيا ازيك 
اهلا يا ندى خير المدير ناويلى على نية تانية ولا ايه
لا يا ستى بس المدير غير رأيه وبيقولك ترجعى من بكرة تكملى مع الحالات
رؤيا پصدمة نعمم ودا ايه اللى غير رأيه فجاة كدا 
لما تيجى بكرة ابقى اساليه يلا سلام
ليل فى ايه يا بنتى 
رؤيا قال المدير غير رأيه وعايزنى ارجع بكرة
ليل بفرحة طب كويس جدا
رؤيا بتشوش حاسة كدا والله اعلم أن فى حاجة ورا التغيير دا واهو بكرة نشوف 
كلنا عندنا احلام كتير ومختلفة وانا عندى حلم واحد من ضمن احلام كتير نفسى يتحقق حلمى هو عزيز قلبى
كنت واقفة قصاد المدير وهو خاېف منى تقريبا يعنى وبيتكلم بكل هدوء ورقى واحترام وهذا يا اما كابوس يا اما المدير شارب بقى..
يا سيادة المدير ايه اللى غير رايك وخلاك ترجعنى
المدير پخوف ها لا اصل قولت ليه نستغنى عن رؤيا يعنى وهى اشطر اخصائية عندى فى المركز
رؤيا پصدمة الكلام دا ليا انا
المدير پخوف اكتر ايوة ايوة طبعا وهو انتى قليلة يا بنتى
رؤيا ببلاهة بنتك
المدير يلا بقى يا رؤيا روحى شوفى شغلك ومتنسيش تسلميلى على عزيز بيه
رؤيا حاضر...ثانية اسلملك على مين
المدير على عزيز بيه
رؤيا بترقب عزيز مين بقى
المدير عزيز سلطان مش هو خطيبك برضو مش عيب تخبى عليا خبر زى دا
ضحكت وانا مصډومة ومش مصدقة بجد اللى سمعته وابتدى عقلى يترجم كل حاجة هههه يا الله طب مش تقول من الاول ...قولتلى عزيز سلطان 
انا بحبك اه بس برضو متدخلش فى حياتى وكانك تعرفنى بجك اللاه هى القصة اللى رسمتها فى خيالى هتتحق ولا ايه يا جدعان
لو سمحتى عايزة اقابل عزيز سلطان
اولا اسمه مستر او عزيز بيه سلطان ثانيا نقوله مين
ابتسمت ابتسامة شريرة وضيقت عيونى وملت عليها وهمستلها قوليله رؤيا جلال خطيبتك عايزة تقابلك...
يتبع
حلم
كريمةحمادة
قصة جديدة خفيفة لذيذة يارب تعجبكم قراءة ممتعة احبابى 
التانى
السكرتيرة پصدمة حضرتك خطيبته
ابتسمت بسخرية ورديت ببرود لا يا حبيبتى بهزر معاكى قوليله بس رؤيا جلال
السكرتيرة اتفضلى يا فندم هو مستنيكى اصلا
رؤيا باستغراب مستنينى مش فاهمة
السكرتيرة ايوة مستر عزيز مدينى خبر ان حضرتك لو جيتى تدخلى علطول ...اتفضلى
بصيت ناحية باب مكتبه وانا مستغربة وفى تفس الوقت خاېفة...ايوة خاېفة جوايا احساس غريب لحاجة هتحصل انا مش مستعدالها ابدا ...اخدت نفس عميق وروحت ناحية المكتب وخبطت وسمعت صوته انى ادخل..قلبت وشى للضيق ودخلت ووقفت قصاده واتكلمت بعصبية خفيفة 
ممكن افهم انت عايز منى ايه بالظبط
رفع عزيز عيونه عن الورق وبصلها وهو بيحاول يكتم ابتسامته ويظهر الجدية وبص تانى للورق وهو بيقول ببرود اتكلمى بهدوء يا رؤيا
رؤيا پصدمة اتكلم بهدوء
عزيز ببرود اه
تتكلمى بهدوء عشان اعرف اتكلم معاكى
اعترف استفزنى ببروده وبكل ڠضب جوايا خبطت بايدى على المكتب وانا بصاله وقولت انت عايز ايه بالظبط وتعرفنى منين لدرجة تروح تتوسطلى عند مدير المركز عشان ارجع التدريب تانى ها
قام عزيز وقلع جاكت البدلة ببرود وسنده على الكرسى واتقدم ناحية رؤيا ووقف وربع ايديه على صدره وقال بثقة اعرفك منين دا هتعرفيه بعدين اما اتوسطتلك عند مديرك ليه برضو هتعرفيه بعدين..
نوقف الزمن هنا يا جماعة ونقول عزيز سلطان الملقب برجل الثلج عشان بروده بس على مين دانا رؤيا جلال ومش عشان بحبه يستخدم سلطاته عليا..
نرجع للحظة الراهنة ولقيت نفسى بضحك جامد واتكلمت لا بص هتتعامل معايا ببرودك اللى بنشوفه فى التفلزيون هتع...
عزيز بخبث يعنى متبعانى على التلفزيون كمان
ها 
عزيز ناحيتها شوية وقال بابتسامة خطفت قلبها للمرة المليون الحسنة اللى تحت عيونك فى خدك اليمين حلوة اوى يا رؤيا
رفعت عيونى ليه وانا مصډومة اوى بجد دقات قلبى زادت نفس الرعشة والاحساس الحلو جانى مقدرتش ارد بكلمة غير انى عيطت عيطت جامد وهو اتخض منى..
عزيز بخضة رؤيا مالك بتعيطى ليه ... طب خلاص طيب انا اسف 
رؤيا پبكاء يعم انت مين يعم انت هى حصلت تعاكسنى كمان
عزيز اتصنم مكانه من هيئتها وهى بټعيط وهى بتبصله بعيون بكيانه وبتتنفض من البكا
اتنحنح عزيز وقال احم انا مقصدش اعاكس طبعا بس بس
رؤيا بترقب بس ايه
بصلها عزيز ثوانى وبعدين مشى ناحية المكتب ولبس الجاكت ووقف تانى قصادها وقال ببرود رؤيا جلال انتى رجعتى المركز ولتدريبك وحالاتك وخلاص كدا تقدرى تتفضلى لأنى ورايا اجتماع مهم
رؤيا استنى عندك 
وقف عزيز عند الباب قبل ما يخرج وقبل ما يلفلها قالت رؤيا عمال تقول هعرف بعدين هعرف بعدين ليه هو احنا هنتقابل تانى ولا ايه
لفلها عزيز وهو بيبتسم بخبث وقال هتعرفى بعدين و لو عايزة تقعدى فى المكتب براحتك كدا كدا انا بثق فيكى و اه...جهزى نفسك على بليل فى مفاجأة كدا ليكى سلام يا رؤيا
خرج عزيز من المكتب وقعدت رؤيا على الكرسى بإهمال وقالت بعدم تصديق لا لا فى حاجة غلط دا ..دا بيتكلم بثقة ليه كدا ... طب مفاجأة ايه دى اللى بليل مستنيانى يارب استر يارب..
ارسم اهدافك وحطها قدامك وحاول مرة واتنين وتلاتة لغاية ما توصل لنشوة الانتصار
روحت المركز وابتديت شغل مع الحالات وانا بحاول انسى اللى حصل معقول عزيز سلطان حلم حياتى اشوفه يومين ورا بعض وكمان نتكلم جماعة انا محتاجة افوق من الحلم دا ما تيجوا تفوقونى...
ندى انا خلصت النهاردة كل الحالات وحقيقى تعبت اوى
ندى كتر خيرك يا بنتى بس افرحى بكرة اجازة
رؤيا باستغراب إجازة ليه
ندى بكرة دكاترة المركز معاهم مؤتمر وكمان المدير رايح فأدى اجازة للمتدربين
رؤيا براحة طب كويس سلام بقى
ندى سلام
كنت بعدى فى الساعات ومستنية الليل يجى اعترف انه ساب جوايا فضول اوى اعرف اللى ناوى عليه ايه تانى وفى نفس الوقت خاېفة اوى من اللى هيعمله.. فى ايه يا طنط رؤيا مالها
مش عارفة يا ليل من سعة ما سمعت الخبر وهى حابسة نفسها فى الاوضة ومرضياش تخرج ولا ترد علينا
ليل خبر ايه دا
انه اتقدملها عريس هى مقلتلكيش
ليل لا والله بس مين العريس يعنى
عزيز سلطان
ليل اه...مين 
عزيز سلطان يا بنتى مالك انتى كمان
ليل ببلاهة عزيز سلطان مين
يادى النيلة عليا خشيلها يابنتى وهى تحكيلك قال عزيز سلطان مين
ليل رؤيا افتحى الباب انا ليل
امشى يا ليل مش عايزة اقعد مع حد دلوقتى
ليل افتحى يابت افتحى بدل ما اكسرلك الباب دا
نفخت رؤيا بضيق وقامت فتحت الباب وقعدت تانى مكانها دخلت ليل وقفلت الباب وقالت ايه اللى سمعته من طنط دا
رؤيا بضيق مش عارفه مش عاااارفة هتشل
ليل طب براحة طيب وفهمينى
رؤيا ليل تعرفى تجبيلى عنوان بيته
بيت مين
رؤيا بشړ عزيز سلطان
ليل پصدمة نعم
رؤيا بعصبية هتعرفى ولا اتصرف من دماغى
ليل طب اهدى اهدى وهنلاقى حل والله ممكن بس تفهمينى الاول حصل ايه النهاردة لما روحتيله الشركة وقالك ايه وايه كلام طنط دا
حكتلها رؤيا اللى حصل وختمت كلامها ب بس وجيت لقيت امى بتقولى عزيز
سلطان متقدملك
ليل بضحك هيستيرى يا ربنا دا بجد
رؤيا بغيظ بتضحكى حضرتك
ليل الصراحة حاجة تضحك عزيز سلطان بذات نفسه متقدملك يا رؤيا
مسكت دماغى بصداع من كتر التفكير والصدمة ...اللى خاېفة منه حصل طب ازاى وامتى وفين وليه انا يعنى..
ليل طيب انتى عايزة عنوان بيته فى ايه
رؤيا بشړ هطربقه عليه ابن الأكابر دا 
ها يا عزيز مردوش عليك اهل البنت لسة
شرب عزيز من مج الشاى وقال بابتسامة خفيفة دا لو وافقت يا ماما
والدته باستنكار نعم ومتوافقش ليه هو انت قليل ولا ايه
عزيز لا يا امى بس مش عشان انا عزيز سلطان هى هتوافق علطول
والدته والله يابنى انا متشوقة اشوفها من سعة ما حكتلى عنها
عزيز بابتسامة هتشوفيها يا امى قريب
يا عزيز سلطان
سمع عزيز صوتها وضحك وبسخرية وقال مش قولتلك هتشوفيها يا امى
والدته مين اللى بتنادى كدا دى
يابنتى اوعى خلينى ادخل مش هعضه انا
والدته مين دى يا عزيز
عزيز كان مركز على ملامحها اللى باين عليهم الڠضب وقال دى رؤيا يا ماما
والدته پصدمة دى رؤيا
رؤيا پصدمة انت قايلها عنى
عزيز ببرود جاية برياحك ليه يا رؤيا
الڠضب اتملك منى اكتر من بروده دا ورديت بعصبية انت عايز ايه بالظبط انا مش همشى من هنا غير اما اعرف انت تعرفنى ازاى وامتى وليه انا
عزيز بهدوء ممكن تهدى
رؤيا بعصبية مش ههدى انت روحت اتقدمتلى لبابا فكرك يعنى هوافق ولا ايه
والدته ومتزافقيش ليه يا بنتى
عزيز بصرامة امى ...لو سمحتى ممكن تسبينا لوحدنا حابب افهمها بطريقتى 
قامت والدته وبصت لرؤيا وقالت بحيرة ربنا معاك يابنى
رؤيا باستنكار ايه دا فى ايه هو انا هاكله
وقف عزيز قصادها وربع ايديه على صدره وقال بهدوء ممكن افهم انتى متعصبة ليه او..رافضة ليه
غمضت عيونى وانا بحاول اتمالك اعصابى فتحتها وانا بدعى الهدوء بس من جوايا بركان ثائر وقولت عزيز بيه لو فاكر ان شغل الروايات دا هيمشى معايا تبقى غلطان يعنى مش عشان واحد غنى راح اتوسطلى عند مديرى عشان يرجعنى الشغل تساومنى على ان ارتبط بيه
عزيز بثقة ومين قال انى بعمل شغل روايات
رؤيا بترقب يعنى ايه مش فاهمة
عزيز بخبث مش يمكن مثلا ...امممم معجب بيكى 
شهقت پصدمة اوى ونوقف الزمن هنا واقول عزيز سلطان معجب بيا انا جماعة انا حاسة انى بحلم ازاى الشخص اللى بحبه بجد من كل قلبى بيقولى معجب بيا لا لا اكيد بيعمل مقلب فيا او وراه حاجة يخربيت التراست ايشوز اللى عندى يا جدعان ...نرجع نرجع 
حركت صوباعى ورجعت للحظة الراهنة وبعد ما شهقت پصدمة قولت معجب بيا انا انت سخن يلا
عزيز بغض النظر عن كلمة يلا بس اه فيها ايه دى
انت كداب واكيد وراك حاجة ليا انا مش مصدقاك
عزيز بجمود انا جاى انا ووالدتى الليلة عندكم وهطلب ايدك وانتى هتوافقى بدون اى اعتراض
رؤيا بسخرية والله ما نكتب الكتاب بالمر ونتزف بقى
عزيز بمكر تصدقى فكرة حلوة ليه لا
رؤيا بغيظ يابنى انت هتشلنى هتشلنى
عزيز بخبث متحطيش ميكب عشان مش حابب الحسنة دى تختفى حابب اشوفها دايما ودا كمان لأنك...احلى بكتير من غير ميكب
حطيت ايدى على راسى وحسيت بدوخة شديدة لا دا كمان عيونى دمعت وكنت هعيط..
عزيز بقلق رؤيا انتى كويسة
رؤيا بتعب انت عايز منى ايه يا عزيز
بلع عزيز ريقه واتنهد وقال قولتلك هتعرفى كل حاجة بعدين
رؤيا بنفاذ صبر بعدين امتى بالظبط ...انت ليه بتتكلم بثقة كدا
عزيز شكلك تعبانة رؤيا خلينى اوصلك بيتك عشان ترتاحى وبليل هنتكلم
رؤيا بجمود ابعد عنى ومتقربش هروح لوحدى وهدعى الليل ميجيش عشان مشوفكاش
عزيز بهدوء الليل هيجى يا رؤيا هيجى وهو معاه حاجة كبيرة حلوة ليا وليكى
بصتله بضيق عكس الاحساس اللى جوايا وفى ثانية وبدون وعى منى وكانى كنت متخدرة قربت من السفرة اللى كان عليها الفطار ومسكت كوباية المية الازاز وبكل ڠضب جوايا رميتها على الارض وكسرتها ...وقفت قصاده وقولت لو رجعت الكوباية تانى زى ما كانت يبقى ساعتها اوافق عليك يا... عزيز بيه سلطان ومن غير سلام
مشيت رؤيا وفضل عزيز واقف زى ما كان وهو بيبتسم ومش مصدق اللى عملته ونزل على الارض وهو بيلم الازاز وبيقول عصبية ومچنونة وغبية ولسانها سليط
عزيز
بيه قوم حضرتك وانا هلم الازاز
قام عزيز ونفض ايده وقال خلى بالك لتتجرحى ....استنى
نعم يا بيه
عزيز هو فى كوبيات تانى من نفس الشكل دا
ايوة حضرتك
عزيز بخبث امممم طيب عايزك تلفيلى واحدة فى علبة هدايا وجهزيها لبليل كدا
تمام
عزيز بابتسامة هانت يا سليطة اللسان 
يمكن من كتر شوقى ليك..وحلمى انى اشوفك... ولا من حبى الغريب فيك...مش عارفة اعاتبك ولا...الومك
يتبع
حلم
كريمةحمادة
لو تفاعل دا كان زى الاول يبقى حرام عليا اتعب فيها واكملها 
التالت ..
روحت الكورنيش وقعدت وكنت بعيط بصمت... ليه انا ازاى وامتى وفين ليه كل ما اصر على الرفض قلبى بيوجعنى معقول عزيز قلبى بذات نفسه عايز يتجوزنى انا مش فاهمة نفسى ليه رافضة وزعلانة ليه مش فرحانة ولا بتنطط من الفرحة انا تعبانة بجد ومش فاهمة حاجة اوافق عليه واعيش اللحظة وافرح ان حلم حياتى بيتحقق اوافق
قطع تفكيرى رنة الفون وكانت ليل..
الو
ليل بقلق رؤيا انتى فين وعملتى ايه
رؤيا بتوهان على الكورنيش
ليل طيب انا جيالك استنينى
رؤيا لا متجيش خليكى
ليل بصرامة بقولك جاية مش بمزاجك يلا سلام 
قفلت معاها واتنهدت وانا باصة للبحر ودموعى متوقفتش ومغرقة وشى..
مشيت يا عزيز
عزيز بهدوء مشيت يا امى
والدته دى عصبية اوى يا عزيز يابنى عكسك خالص
عزيز بسخرية ولسانها سليط
والدته بحنية اصبر عليها وشوية شوية هتتقبلك وتتقبل الموضوع
عزيز بشرود اتمنى دا
والدته هتقولها امتى طيب
عزيز قريب قريب هتعرف كل حاجة
فى ايه يا ليل من سعة ما خلصت كلامى وانتى بصالى بصة المخبرين دى
ليل بشك رؤيا
رؤيا ها
ليل عزيز بيحبك
رؤيا بسخرية اوى وبيعشقنى وبيموت فى التراب اللى بمشى عليه
ليل بجدية مبهزرش على فكرة باين اوى من كلامه زى ما حكتيلى انه فعلا يا معجب بيكى يا اما وراه حاجة
رؤيا بتعب مش عارفه بجد مش عارفة
ليل بحنان طيب اهدى طيب
رؤيا قومى خلينا نمشى يلا
ليل هو انتى رافضة ليه يا رؤيا 
بصتلها وكأنى كنت منتظرة السؤال دا من حد تانى غير نفسى هو انا رافضة ليه من الاساس ..
ليل مش دا عزيز سلطان عزيز قلبك اللى بتحبيه كنت متوقعة الاقيكى مبسوطة اوى عكس اللى انا شيفاه قدامى 
بلعت ريقى وانا حاسة بجفاف فى حلقى ودموعى زادت اكتر معرفتش ارد بايه طبطبت عليا بحنية وخدتنى فى وانا باصة للبحر ودموعى مغرقانى وبتمنى الاقى الراحة..
يابنتى يهديكى ربنا بقى خلصينى والبسى الفستان
رؤيا بعناد مش لابسة يعنى مش لابسة ومش هخرج من الاوضة كمان
ليل بغلب يا رؤيا بقى
رؤيا ببرود وفرى مجهودك يا ليل يا حبيبتى ومتتعبيش نفسك معايا
ليل بنفاذ صبر يا بنتى بقى
رؤيا مردتش عليها ونامت على السرير أما ليل بصتلها بضيق وخرجت البلكونة شوية ولسة هتدخل تانى لمحت عربية سودا كبيرة داخلة الشارع ونادت على رؤيا..
رؤيا رؤيااااا تعالى بسرعة
جات رؤيا بتجرى عليها و فى ايه يابنتى مالك
ليل پصدمة بصى لتحت كدا
بصيت باستغراب وفجأة عينيا وسعت من اللى بشوفه قدامى عزيز نازل من عربيته بكل هيبة وثقة و..جمال ايه الحلاوة دى بالله وماسك بوكيه ورد ابيض وشنطة هدايا ومعاه والدته..
عند عزيز كان حاسس بيها إنها شايفاه فابتسم ورفع راسه لفوق وشافها وسعت ابتسامته اوى لما شافها اتخضت ودخلت تانى
والدته ايه يولا مالك بتضحك ليه
عزيز بابتسامة لا يا امى مفيش يلا خلينا ندخل
والدته يلا يا حبيبى 
قلبى بيدق اوى مش قادرة اتنفس حاسة انى عايزة ارقص من الفرحة بس لسة شعور الخۏف ملازمنى ...
ليل رؤيا رؤيا انتى يا بنتى
رؤيا بشرود ها ايه فى ايه
ليل فى ايه انتى مالك سرحتى كدا
رؤيا لا مفيش
ليل طب مش هتهجزى برضو
ضيقت عينيا بشړ وهمست الا هجهز 
والدة عزيز الا عروستنا فين بقى
والدة رؤيا حالا هناديها ..اهى جات اهى
عزيز اول ما سمع الجملة اتحفز وعدل نفسه واتحمس أنه يشوفها بس ...بس اللى شافه قلب الدنيا
دخلت رؤيا عليهم وهى ماسكة صينية المشروبات وبتبسم ابتسامة غريبة مفهمهاش غير عزيز 
السلام عليكم ورحمه الله وبركاته
والدة عزيز پصدمة وعليكم السلام و...
رؤيا بابتسامة ازيك يا طنط عاملة ايه
كويسة يا بنتى انتى كويسة
رؤيا بخير يا طنط
والدة رؤيا بتوتر طب طب نسيب العرسان مع بعض ونشرب احنا العصير فى الصالون
والدة عزيز اه ياريت يلا
اول ما خرجوا رؤيا قلبت
وشها للڠضب وربعت ايديها على صدرها بتحدى وهى باصة لعزيز 
اما عزيز ابتسم بسخرية وقال مش لايق على عينيكى خالص وهى ڠضبانة كدا
رؤيا باستفزاز اومال لايق عليها ايه
عزيز بعبث لايق عليها الضحك واللمعة الحلوة وبس
بلعت ريقى بتوتر وهو كمل بنفس النبرة دا حتى عشان الحسنة الحلوة دى تكون واضحة اكتر
نفخت بضيق وانا بحاول ادارى كسوفى وقولت بحدة ما تتلم يلا
عزيز برفعة حاجب اتلم 
رؤيا بعناد اه اتلم وبعدين انا مش موافقة يلا خد الست الوالدة وارجع بيتكم يلا
ضحك عزيز بخفة وحط رجل على رجل وقال بثقة وبرود بتعجبنى ثقتك فى نفسك يا رؤيا والله
رؤيا باستفزاز نينينينينينينيى
عزيز بعبث بس الاسود لايق عليكى ...بس المناسبة مش لايقة عليه خالص الاسود دا
رؤيا يوه هو انا مقولتلكش
عزيز لا مقولتليش
رؤيا اصل انا هدومى كلها اسود فى اسود حتى هدومى البيتى اصل بعيد عنك انا كئيبة اوى والله هكئبلك حياتك يابنى صدقنى
ابتسم عزيز بخبث وقال وماله انا هخلى حياتك وردى مش اسود
رؤيا بنفاذ صبر يا الله ....عزيز بيه من الاخر كدا يا تقولى ليه أنا بالذات مصر عليها يا اما مش هوافق
عزيز ببرود قولتلك هتعرفى كل حاجة فى الوقت المناسب
نوقف الزمن هنا لحظة ونقول عمرى ما اتخيلت انى اكون قصاده فى قعدة زى دى وهو بارد كدا ليه انا اعرف رجال الأعمال متعصبين مغرورين إنما دا ..دا واخد قلبى حتى وهو رجل جليد كدا عزيز قلبىدا
نرجع للحظة الراهنة وبصتله بقلة حيلة ووافقت بس من جوايا بخططله ازاى اطفشه ابن الأكابر دا..
نادى عزيز على والدته ووالدتها ومعاهم ليل وقالهم انا ورؤيا اتفقنا وهنقرا الفاتحة دلوقتى وهنعمل خطوبة وكتب كتاب آخر الأسبوع إن شاءالله
بصتله پصدمة وانا مش مصدقة اللى قاله بجد وقبل ما اعترض لقيت ماما وليل زغردوا وبيقروا الفاتحة وانا واقفة مبلمة كدا
عزيز بهمس ايه مش حافظة الفاتحة ولا ايه 
زميت شفايفى بضيق ومردتش عليه وكمل هو بخبث تؤتؤ مش حافظة الفاتحة يا رؤيا ...هبقى هحفظهالك فى بيتنا وغمز بعيونه وهو بيبتسم 
عزيز بجدية لو سمحتى يا طنط حابب اخد رؤيا بكرة ونروح تختار الفستان وافسحها شوية و..
رؤيا لا طبعا مستحيل أخرج معاك لوحدنا وكمان بابا مسافر لازم يكون موجود وعارف كل حاجة
عزيز بثقة انا كلمت والدك فعلا واستأذنته ووافق أما خروجنا لوحدنا لو سبتينى اكمل كنتى هتعرفى ان انا وانتى وصاحبتك معانا وكمان...انا مستحيل اذيكى يا رؤيا
رفعت عيونى ليه وانا قلبى ھيموتنى من الدق كان هاين عليا والله واقوله مصدقاك..
والدة عزيز طيب نستاذن احنا بقى
خرجت من باب البيت ووراها عزيز ولسة هيطلع وقف ولف لرؤيا وقالها بابتسامة خبيثة اه صح متنسيش تفتحى الهدية اللى جبهالك بس ياريت تكونى لوحدك سلام يا رؤيتى
بعد ما مشيت ليل دخلت اوضتى ومعايا بوكيه الورد وشنطة الهدية فتحتها بحماس لغاية ما شوفتها وانا مبلمة 
رؤيا پصدمة ايه دى كوباية ازاز جايبلى هدية كوباية ازاز يا عزيز 
وايه الورقة دى كمان ... فتحتها وكان مكتوب فيها انتى قولتى لو رجعت الكوباية بعد ما اتكسرت تانى هتوافقى عليا شوفى حظى لقيت عندنا طقم كوبايات منها وجبتلك واحدة اهى ..عزيز
ضحكت جامد وانا ماسكة الكوباية لغاية ما عيونى دمعت مش مصدقة اللى بيحصل بجد دا دا مصر بقى 
وقفت ضحك وانا باصة للهدية ودموعى مغرقة وشى مسكت بوكيه الورد ولقيت معاها كارت مكتوب عليهعارف انك بتحبى الورد الابيض اكتر فجبتهولك واضحكى يا رؤيا عشان لما بتضحكى قلبى بيبتبسط اوى.
ياريت اقدر احكيلك انا خاېفة ليه رغم شوقى ليك ودقة قلبى لعينيك
يابنى انا مش عاجبنى الفستان دا بقولك
ربع عزيز أيديهم وقال عايزة تطفشينى يا رؤيا
رؤيا صح انت صح يلا نفركش بقى
ليل رؤيا عيب كدا الله
عزيز سبيها تقول اللى عايزاه مش هاممنى برضو
رؤيا مش هامك بقولك رفضاك ومش هامك من سعة ما جيت خدتنى الصبح وانا مكشرة ومش برد عليك وبقول ولا حاجة عجبانى وبرد ببرود ومش هامك انت بجد بتعمل كدا ليه معايا
اتنهد عزيز بقوة وبصلها بغموض وقال لما بتحلمى بحلم نفسك فيه بتسعى وتعملى كل حاجة عشان توصليله وهو دا بالظبط اللى بعمله انا بسعى لحلم..
رؤيا بخفوت وتوتر ق
قصدك ايه بحلم
ابتسم عزيز وقال يوم كتب كتابنا هتعرفى كل حاجة يلا خلينا نكمل مشوارنا
وسابهم ودخل المول ورؤيا وليل بصو لبعض پصدمة وهما مش مستوعبين حاجة 
ليل مش قولتلك عزيز بيحبك
رؤيا بتوهان انا هيغمى عليا ...وكانت هتقع بس مسكتها ليل 
بت فوقى مالك 
الحقينى بمية بسكر دايخ دايخ 
ياختى قومى كدا بقى خلينا نشوف العاشق اللى جوة دا 
هطفشه برضو هطفشه 
ليل بيأس انتى فعلا هتطفشيه
تحبى اجبلك ايس كريم 
لا شكرا مش عايزة
ليل طيب أنا هروح اشترى حاجة كدا من هنا ومش هطول
رؤيا بت بت رايحة فين ارجعى هنا
عزيز صاحبتك بتفهم والله
رؤيا ولا اوعاك تفكر فى حاجة كدا ولا كدا ها
عزيز بعبث عيب يا رؤيا الكلام دا لسة بدرى عليه
وسعت عينيا پصدمة من اللى سمعته هو ماله قالب على حمدى الوزير كدا ليه
عزيز بضحك حرام عليكى حمدى الوزير مين بس
رؤيا بخفوت انت بتقرا افكارى
عزيز. بتفكرى بصوت عالى يلا تعالى هجبلك ايس كريم ومفيش اعتراض
وبالفعل اشترالها ايس كريم ولسة هتاكله وقفها لما قال تحبى ناخد صورة بيهم 
ها 
وقف عزيز جنبها وهو بيقول يعنى اقف جنبك كدا ونمد أيدينا بالايس كريم كدا ونصورهم كدا كان عزيز وهو بيتكلم بيعمل كل حاجة واخد الصورة..
رؤيا بتوهان انت...انت ازاى ..
عزيز بابتسامة عادى حابب نعمل زكريات لينا
رؤيا انت رفعتلى ايدى ازاى
عزيز بضحكة خفيفة والله انا لسة بقول نمد أيدينا لقيتك رفعتى ايدك جنب ايدى لوحدك
رؤيا حاولت تدارى ابتسامتها معرفتش وبصت الناحية التانية فقال عزيز بنبرة مخدرة ابتسامتك حلوة متديرهاش عنى
نفخت بضيق شوية وانا بحاول ادارى كسوفى منه ومشيت بعيد عنه وانا بقول اوف منك يا ابن الأكابر اوف
مشى عزيز وراها وهو بيضحك عليها ومبسوط أنها ابتسمت..
وانا بحاول ابعدك عنى بكل الطرق قلبى يتمرد عليا وعقلى يعارضنى وكأن الحلم بيتحقق وهتبقى بجدعزيز قلبى
يتبع
حلم
كريمةحمادة
هو فصل يمكن مفهوش احداث حلوة بس اوعدكم الرابع هيعجبكم أوى قراءة ممتعة احبابى 
الرابع..
تفتكرى عزيز سلطان وراه ايه
افتكر أنه بيحبك
اممممم وانا افتكر وراه بلاوى
ليل بسخرية التراست ايشوز عندك عالى اوى
رؤيا بصى عليه كدا وهو بيتكلم فى الفون تؤ دا مش رجل أعمال عادى مقبل على الزواج لا
ليل والله اومال مقبل على ايه
ضيقت عيونى وهزيت راسى بشك وقولت وهما رجال الأعمال وراهم ايه مثلا غير...
ليل بترقب غير ايه بقى
شربت بق من العصير وبصيت ليه تانى وقولت عزيز سلطان مش سهل وناويلى على نية مش تمام
ليل بغلب يااااختى هتجلطنى بالله هتجلطنى
رؤيا طب بس بس عشان جاى علينا
عزيز بابتسامة اسف اتاخرت عليكم
ليل لا ولا يهمك
رؤيا لا يهمنى يتأخر علينا ليه يعنى ولا هو عشان رجل اعمال وراه شركة واجتماعات احنا فاضيين بقى ونستناه
عزيز ضحك بيأس عليها وقال خلصتى اساسا انا مكنتش بكلم الشركة ولا اجتماعات ولا اى حاجة ليها علاقة بشغلى
رؤيا ببرود ميهمنيش اعرف
عزيز بقلة حيلة خلينا نكمل لف يلا
رؤيا لا بص انا رجلى وجعتنى ومفيش حاجة عجبانى هنا اقولك يلا نروح السوق هناك الفساتين تحفة والله
ليل وعزيز فضلوا متنحين ليها پصدمة ودا لأن رؤيا مبتحبش تروح المكان دا اصلا ..
ليل دا بجد اللى بسمعه
رؤيا اه يلا يلا بلاش غلبة
عزيز بجدية انا عارف انك مش عايزة تجيبى حاجة ومتأكد أن كذا فستان عجبك عايزة تطفشينى وحقيقى انا مش عارف ايه السبب اللى مخليكى كارهانى ومش قابلة ارتباطنا
ليل لا لا هى متقصدش كدا هى دايما رؤيا مترددة والله صح يا رؤيا
لأول مرة ابصله بتركيز زى اللحظة دى كان باين عليه اوى أنه زعل من تصرفاتى قلبى وجعنى لمجرد أنه ممكن يزعل منى اوى فعشان كدا سمحت لنفسى انى ابتسمله واديله امل انى راضية
رؤيا بهدوء انا مقولتش كدا ولو مكنتش موافقة كنت مستحيل هتلاقينى معاك هنا
ليل شوفت اهى قالتها بنفسها اهى
اتنهد عزيز وقال تمام تعالوا هنروح نشوف المحل دا..
عجباكى
كنت واقفة قصاد محل هدايا وكان فى بلورة ثلج معروضة عجبتنى وشدتنى من اول ما شوفتها اوى عجبانى اوى
فعلا شكلها جميل ورقيق...زيك كدا
بلعت ريقى وبصتله وهو ابتسم ابتسامة خطفت قلبى للمرة المليون اتنحنحت وقولت احم طيب يلا خلينا نمشى
عزيز بعبث اتفضلى
ليل رؤيا انا لازم امشى دلوقتى
رؤيا نعم تمشى ليه
ليل بأسف
حقك عليا بس كلمونى من الشغل وفى مشكلة كبيرة حصلت ولازم اكون موجودة
رؤيا وهتسبينى معاه لوحدى
ليل بهمس ميتخافش عليكى يا رؤيا وبعدين يا حبيبتى حاولى تلطفى الجو معاه يا ستى افتكرى جملة عزيز قلبى اللى مصدعانى بيها دى يلا سلام بقى
رؤيا بت بت خدى هنا بقولك ...اوف
لفيت ولقيت عزيز واقف على الحيطة ومربع أيديه على صدره وبيضحك بهدوء فرجعت لطبيعتى تانى وقولت بتحذير وانا رفعاله صباعى فى وشه ولا وربنا اى حركة كدا ولا كدا هخليك حديث الشعب لمدة سنتين تلاتة
عزيز بابتسامة خبيثة عزيز سلطان طول عمره حديث الشعب يا روحى
رؤيا نينينينينينينيى
ضحك عزيز بعلو صوته وانا دوبت فى ضحكته والله جدعان انا حاسة قلبى هيقع والله طب أقوله انى بحبه طيب يووووه بقى
ضحكتك اوى دى يعنى
عزيز بضحك الصراحة اه
رؤيا بحنق طيب
عزيز طيب خلاص متدايقيش بصى انتى شكلك بجد مفيش حاجة عجبتك وعشان الوقت خلاص اليوم بيخلص تعالى اوصلك وسيبى الفستان عليا
رؤيا توصلني فين
عزيز البيت
رؤيا بصرامة لا طبعا أنا مش همشى معاك لوحدنا انت اتفضل امشى بعربيتك وانا هرجع مواصلات
عزيز بابتسامة معنديش مانع هسيب عربيتى هنا والسواق يجى ياخدها وانا همشى معاكى مواصلات
رؤيا پصدمة دا بجد
عزيز اه فيها يعنى
رؤيا لا مفهاش بس مش خاېف حد يصورك وينزلها ويكتب عليها شاهد رجل الأعمال الشهير عزيز سلطان فى المواصلات العامة
عزيز بضحك يا بنتى بقى وبعدين ايه فيها يعنى هو عشان رجل اعمال مركبش مواصلات مثلا
رؤيا لا عادى يعنى بس..
عزيز عشانك يا رؤيا
ها
عزيز بابتسامة عشان رؤيا جلال مستعد اعمل اى حاجة
رؤيا ليه ليه بجد عشانى ارجوك قولى
عزيز بعبث قولت يوم كتب كتابنا هتعرفى
رؤيا بتذمر اوف منك اوووف
عزيز يلا بلاش غلبة معاكى
مشى قدامى وانا وراه حقيقى هاين عليا امسكه من شعره اللى احلى من شعرى دا واعض ه لا لا عايزة واقوله انت ازاى جميل كدا بالله انت حقيقى يعنى الشخص اللى بدأت قصتى معاه من صورة ليه على الفيس لمتابعة ليه فى كل المواقع واسمع لقاءاته على التلفزيون الشخص اللى بدعى بيه وحلمت بيه كذا مرة بقى حقيقى لا وكمان هنتجوز زى ما بيقول ...جماعة دا اكيد حلم أيوة انا عارفة حظى اكيد بحلم والله 
عدت الايام بسرعة رهيبة وجيه آخر الأسبوع يوم كتب كتابى على عزيز قلبى كنت فى اوضتى قاعدة على السرير وانا ببص للفستان الابيض البسيط اللى جبهولى ومعاه بلورة الثلج وبقرا فى الكارت اللى معاهم للمرة الألف شوفت الفستان دا على الانستا اتخيلته فيكى بالظبط حسيت ساعتها انك انتى اللى هتكملى جمال الفستان مع إن اى حاجة رؤيا جلال بټلمسها بتحليها اكتر عزيز
دخلت ليل ولقتنى بعيط جامد بخضة رؤيا حبيبتى مالك بتعيطى ليه بس حصل ايه
رؤيا پبكاء ارجوكى يا ليل خليه يمشى قوليله انى مش موافقة
ليل پصدمة ايه ليه يا رؤيا
مسحت دموعى وقولت عشان خاېفة يا ليل أيوة خاېفة هو دا سبب رفضى متملكنى شعور بالخۏف خوف أن دا كله يطلع حلم اطلع لسة واقفة فى نفس المكان متحركتش يطلع حلم ومفيش عزيز سلطان انا بحبه لا بعشقه يا ليل صدقينى الفترة دى طول ما هو حواليا بكون عايزة ارقص من الفرحة بس بخاف اخاڤ اقع على جدور رقبتى واطلع بحلم هرجع لنفس النقطة تانى هفضل أتأمل صوره واسمع صوته من التلفزيون قوليلى ساعتها اعمل ايه بقى ...
مسحتلى دموعى ومسكت ايديا وقالت بحنية انتى مبتحلميش يا رؤيا انتى فى الواقع واقع جميل ربنا استجابلك دعواتك اخيرا امسحى كل الخۏف اللى جواكى وعيشى اللحظة بصى كدا للفستان..
بصيت بتوهان وهى كملت شايفة رقته وحلاوته زى ما كنتى بتحلمى بيه فستان رقيق وهادى وحجابه طويل كأن عزيز هو كمان حاسس بيكى أو عايش جواكى وجبهولك زى ما نفسك فيه فلما ربنا حققلنا حلمنا نخاف ونقول لا
رؤيا بخفوت ي يعنى انا مش بحلم
قرصتها ليل بخفة وضحكت وكمان رؤيا ضحكت بعض حسيتى بالقرصة يبقى مبتحلميش
رؤيا بحب شكرا يا ليل على وجودك جنبى
ليل بابتسامة متقوليش كدا انتى اختى يابت يلا أجهزى وانا هخرج اقولهم اى حاجة لسبب تاخيرك
تمام
خرجت ليل وانا بصيت للفستان
بحب ليل عندها حق دا مش حلم عزيز قلبى هو اللى كان حلم واتحقق..
عند عزيز كان قاعد باين عليه التوتر والخۏف انها تكون لسة رافضة ومتخرجش كان بيدعى من كل قلبه انها تخرج وهى لابسة الفستان وبتبتسم بفرحة ...وقد كان اتعدل عزيز فى قعدته اول ما سمع صوت الزغاريد وليل بتقول العروسة جات اول ما طلت عليه وقف وهو مش مصدق نفسه حاسس أنه بيحلم كل تفصيلة فيها سحرته منطقش غير بجملة واحدة قالها فى نفسه الحلم بيتحقق
وقفت رؤيا قصاده وهى بتبتسم ...قعدها والدها جنبه وعزيز قصاده وبدأت إجراءات كتب الكتاب ...واخيرا نطق المأذون جملته الشهيرة 
بارك الله عليكما وجمع بينكما في خير
بكل رقة وعيونه بتلمع وقال مبارك عليا انتى يا رؤيا
رؤيا بخجل الله يبارك فيك
عزيز بحب الفستان فيكى جميل اوى وانتى اجمل
رؤيا شكرا
عزيز بضحكة خفيفة شكرا يا رؤيا طيب يا ستى العفو
حاولت ادارى كسوفى منه وقولت بحدة خفيفة ايه بقى ها
عزيز فهمها بس حب يلعب بأعصابها وقال بعبث ايه
رؤيا كتبنا الكتاب اهو وبقيت حرم عزيز سلطان مش ناوى تقولى كل حاجة
عزيز امممممم هى الساعة كم دلوقتى كدا
نعم
عزيز بخبث الساعة دلوقتى ١٠ الصبح صح
رؤيا بحنق مش عارفه أنا كتب كتاب ايه دا اللى بيكون الصبح
عزيز بضحك دا عشان حابب نبدا اليوم بدرى
رؤيا باستغراب يوم ايه
عزيز وطلع بيها من البلكونة وقال لوالد رؤيا عمى جلال انا هاخد رؤيا دلوقتى زى ما اتفقت معاك
جلال طبعا يا بنى اتفضل بس اوعى تأخرها
عزيز متقلقش خالص هجيبها بدرى ....يلا بينا 
هو احنا رايحين على فين
عزيز بابتسامة هنعيش يوم جميل فى قنا
عشان كدا خليت كتب الكتاب فى الصبح
اه هنلف قنا كلها
ودا فعلا عشت يوم من اجمل ايام حياتى اول ما وصلنا قنا ركن عربيته فى مكان والسواق كان مستنيه واداله المفاتيح ... فضلنا نتمشى وهو ماسك ايديا وبيضحك حقيقى ضحكته جميلة حاسة أنه فرحان اوى اوى وانا...وانا مبسوطة اوى قلبى طاير حاسة جناحاتى مش سيعانى من الفرحة والله اتصورنا فى أماكن كتير كان كل شوية يوقف حد ويخليه يصورنا خلانى اشرب عصير قصب بالعافية وانا مبحبهوش..
يا عزيز مبحبهوش والله صدقنى طب هاتلى فراولة 
اشربى بس هيعجبك اوى صدقينى
وخدنا صورة واحنا بنشرب ...كملنا مشى لغاية ما وصلنا عند مطعم ابو رفيق للشاورما السورى  
رؤيا بعدم تصديق دا بجد هناكل شاورما يا عزيز
عزيز بحماس اه عادى فيها ايه يعنى يلا كلى ليبرد...لا استنى ناخد صورة الاول
رؤيا بضحك يا الله طب يلا
عمرى ما اتخيلت أن دى شخصية عزيز عزيز سلطان اللى معروف عنه أنه بارد ومبيتكلمش ولا مرة شوفت ليه ابتسامة فى لقاءاته انا بشوف ضحكته النهاردة...وصلنا عند عربة ايس كريم وجابلى النكهة اللى بحبها
عزيز بحب مبسوطة يا رؤيا
بصتله بكل حب العالم اللى جوايا ليه وقولت مبسوطة اوى اوى يا عزيز
عزيز بابتسامة حنونة طب يلا عشان لسة مشوارنا طويل
رؤيا لسة فى تانى انا تعبت من المشى داحنا مشينا قنا كلها
عزيز فاضل تلات اماكن ونخلص
رؤيا بحماس فين بقى
وشاور لحد من بعيد جات عربية سودا وكانت عربيته فتحلها الباب وركبت وركب جنبها وقال للسواق اتحرك 
رؤيا باستغراب هنروح فين بالعربية
عزيز بحماس هنروح مكتبة قنا الجديدة
رؤيا بفرحة دا بجد
عزيز بحب اه
وفعلا روحنا المكتبة ودخلنا واتصورنا هناك صور عميقة اوى يا جدعان وكنت طايرة طير بالمكان والله ...خلصنا فيه وبعدين خرجنا واتمشينا شوية لغاية ما وصلنا الكورنيش وطبعا مقولكمش الشعب المصرى لما شافنا عمل ايه لقينا ستات بتزغرد وبتبارك وكان فى شباب هناك معاهم طبل غنولنا وهيصولنا واتصورنا كتير اوى لو دا كان حلم فهو حلم جميل اوى اوى ومش عايزة افوق منه..
انت ازاى كدا
عزيز باستغراب كدا ازاى يعنى
رؤيا غريب رجل اعمال مبنشفهوش غير على السوشيال ولا التلفزيون كنت فاكرة انك زى بتوع الروايات ولا المسلسلات هتطلع عصبى ومغرور ومش طايق حد بس اللى شوفته منك عكس كدا خالص
ابتسم عزيز وقال بهدوء لأن انا انسان ومن حقى اضحك وافرح اينعم انا بارد شوية وهادى بس طبعا فى مواقف بتستدعى انى اتعصب واثور
رؤيا طيب هستنى بقى
شخصية عزيز المتعصب
عزيز بضحك معاكى انتى مظنش
ليه
عزيز بحب عشان عزيز سلطان يتنازل عن اى طبع سىء فيه طول ما هو مع رؤيا جلال ...رؤيتى الحلوة
اتكسفت وعهد الله اتكسفت واتثبت ثبتنى يا جماعة ابن الأكابر دا .....مشينا من الكورنيش وروحنا اخر مكان كان الملاهى لعبنا العاب كتير اوى واشترينا غزل البنات وطبعا مكانش يرتاح الا لما يوثق اللحظات دى بصورة..
رؤيا بتعب اه تعبت خالص اوى بجد
عزيز انا بحبك يا رؤيا
كنت بشرب واول ما سمعت الكلمة شرقت فى وشه المية وهو ضحك وكمل اول مرة شوفتك كان من سنة بالظبط زى تاريخ النهاردة كدا كنت ماشى بعربيتى مخڼوق من ضغط الشغل وفجأة لقيت زحمة كتير عند السيدنزلت اشوف فى ايه لقيت خناقة وكنتى انتى بتتخانقى كل حاجة فيكى جذبتنى عصبيتك وجدعنتك مع البنت ومرتاحتيش الا لما جبتى حق البنت الخناقة فضيت ومشيتو وانا فضلت واقف مكانى ولسة همشى لقيت كارنيه واقع على الأرض وكان بتاعك اخدته واحتفظت بيه وناويت انى ادور عليكى بس حصلتلى ظروف نستنى كل حاجة وشاء القدر انى بدور على حاجة فى الدورج لقيت الكارنيه بتاعك واديته للحارس بتاعى وخليته يدور عليكى عليكى ويراقبك فى الفترة دى حلمت بيكى كتير اوى لما كنت اكون زعلان فجأة بتيجى على بالى بقيتى دعوة ثابتة فى كل صلاة لغاية ما اهو حلمى اتحقق وبقيتى مراتى رسمى...
قلبى كان بيدق بدرجة رهيبة مقدرتش اتنفس كويس دموعى نزلت تلقائى معقول اللى كنت بحبه فى السر هو كمان بيحبنى ...مسحلى دموعى من غير اى كلمة ..بعدها بشوية اشتغلت اغنية مروان خوري وهو باصصلى بكل حب العالم
اهين على قلب هواه محكم
فاض الجوى منه فظلما يكتم
ويحي انا . بوحت لها بسره
اشكو لها . قلبا بنارها مغرم
ولمحت من . عينيها ڼاري وحړقتي
قالت على . قلبي هواها محرم
كانت حياتي . فلما بانت بنأيها
صار الردى . اهين عليا ارحم
كان اجمل واروع يوم تعيش فيه رؤيا جلال مع عزيز قلبى
ساكتة ليه
رؤيا بهدوء اقول ايه بعد كلامك
عزيز بابتسامة ولا اى حاجة انا مبسوط انى اخيرا حققت الحلم دا يا رؤيا
بلعت ريقى وحاولت ادارى كسوفى وتوترى وقولت اليوم خلص مش هنروح
ضحك عزيز بخفة وقال يلا بينا يا ....يا رؤيتى
طلع الحلم مش حلمى بس ....اتارى القدر كان كاتبنا لبعض من الاول....اااااه يا عزيز سلطان ...دانت مبقتش عزيز قلبى بس .....دانت بقيت كل كيانى وعمرى...
يتبع
حلم
كريمةحمادة
فصل طويل وجميل وهادى اهو ولا اروع وعرفنا خوف رؤيا وعزيز وراه ايه ولسة هنعرف..... قراءة ممتعة احبابى 
الخامس والاخير..
اتفضلى يا ستى الهدية دى ليكى
رؤيا ايه دى 
عزيز افتحيها وشوفى
كان بوكس كبير شوية فتحته ولقيت فيه سلسلة مملكة البلاغة كاملة وثلاثية قواعد جارتين وفى قلبى انثى عبرية ومعاهم وردة بيضة وفيهم كارت ...
رؤيا پصدمة دول ليا
عزيز بابتسامة اه
عيونى دمعت وانا بلمسهم من زمان اوى وانا نفسى حد يهدينى رواية انا حاسة انى بحلم هو بجد ازاى كدا مسحت دموعى وضحكت وقولتله انا...انا مش عارفة بجد اقول ايه انت..انت جبت دول علشانى
عزيز بحب انا مستعد اعمل اى حاجة عشانك يا رؤيا
نوقف الزمن هنا لحظة ونقول جماعة بالله عليكم قولولى اعمل ايه طيب أقوله بحبك يا ابن سلطان هو دا بجد الحلم اللى كنت بسعاله اتحقق بجد يعنى ما تيجو تفوقونى بالله هاتوا حجرة كدا واضر بونى على دماغى يمكن افوق من الحلم يااااانى حركت صباعى ونرجع تاني للحظتنا الجميلة دى حبيت انى ابسطة هو كمان لأنه يستحق بجد ابن سلطان عزيز قلبىلازم يتبسط منى فبكل غباء العالم قولتله
شكرا يا عزيز شالله تنستر يارب
ضحك عزيز جامد وهو بيضر ب كف بكف ومش مصدق اللى سمعه منها فقال من بين ضحكه إنزلى يا رؤيا روحى بيتكم يا حبيبى إنزلى
رؤيا بحنق الحق عليا بشكرك يعنى
عزيز بخبث مش هو دا الشكر يا حبيبتى
اومال اشكرك ازاى يعنى
عزيز بعبث يعنى..مثلا حضڼ كلمة حلوة تقوليلى بحبك يا عزيز
شهقت پصدمة لدرجة أنه اتفزع منى وقولت تصدق بالله انت شكلك كدا مشمحترم
عزيز بمكر لا علفكرة انا جود بوى مع كل الناس إلا مع مراتى اكيد هكون باد بوى
ضر بته
بخفة فى صدره بضيق واخدت البوكس ونزلت وهو لسة بيضحك عليا وقبل ما يتحرك بعربيته رجعتله تانى وخبطت على ازاز العربية
عزيز ايه نسيتى حاجة
رؤيا وشك هقولك حاجة
عزيز وهى بصت يمين وشمال وفجأة باسته من خده وجريت وهى بتحاول تكتم ضحكتها ...أما هو فاټصدم من فعلتها وحط أيده على خده وشوية شوية بيضحك وقال 
دانا مش هغسل وشى كدا والله 
بتعدى الايام وانا لسة بناقر فيه وهو ياعينى مستحمل اوى منى بس حبيب عينيا اتكلم عنى فى اللقاء بتاعه ولا اجدعها عاشق والله
مش هتحكيلنا عن مراتك بقى
عزيز بحب هى كيان وعشق عزيز سلطان انا من غيرها ولا حاجة
خرجنا كتير اوى مع بعض وكان ساعات انزل من مركز التدريب والاقيه مستنينى ويخرجنى ويشتريلى حاجات كتير وبرضو يخلينى اشرب عصير قصب ڠصب عنى
رؤيا بغلب يابنى ..يابنى ارحم امى والله ما بحبه هاتلى فراولة بقى
عزيز بنت انا قولت هتشربيه يعنى هتشربيه
يا الله يا ولى الصابرين
كنت بعيش اللحظة وانا معاه ليل كان عندها حق لازم اتغلب على خوفى دا كان حلم كبير واهو بيتحقق قدامى الحلم اللى كنت اتكلم واكتب عنه بقى حقيقى خلاص
تخيل كدا حد يشوفك يخبطك صورة يكتب عليها شاهد رجل الأعمال الشهير عزيز سلطان يفطر على عربية فول
عزيز بضحك انتى ليه محسسانى انى مش بنى ادم عادى زيكم يعنى
رؤيا تصدق ھموت واشوفك وانت متعصب كدا ومتنرفز ومش طايق دبان وشك
عزيز هو فى العادى مين بيطيق دبان وشه يعنى يا رؤيا اتكلمى بمنطق شوية يا حبيبتى
رؤيا طب يلا ناكل للاكل يبرد
بقولك صحيح يا رؤيا
امممم
عزيز بعبث هى الحسنة اللى فيكى دى وراثة ولا طلعالك عادى كدا
بصتله بصة بمعنى حقا فهو كمل بنفس النبرة اقسم بالله ما حاجة وقعتنى فيكى غير الحسنة دى
اتكسفت وابتسمت وكنت هضحك بس حاولت اكتم ضحكتى فهو قال اضحكى اضحكى ....لا خلاص متضحكيش لحد يشوفك
ليه يعنى
عزيز بخبث مش عايز حد يشوف ضحكتك غيرى خليكى مكشرة زى ما انتى
رؤيا بغلب اوف منك والله
عزيز بضحكة خفيفة طيب كملى اكلك
اوعا الجمال مش لايق عليكى تاكلى فول خالص والله
جملة قالها واحد وقف قصادى وقالهالى كان فاكرنى واقفة لوحدى ودا لانى واقفة بعيد شوية من عزيز لقيت عزيز ساب الاكل ولفله ومش باين على وشه غير الهدوء هدوء وبس
عزيز بهدوء شديد انت بتعاكسها 
الشاب بوقاحة اه عادى هى تخصك ولا ايه يا زميلى
حك عزيز جنب فمه بتفكير وقال اممممم للاسف هى تبقى مراتى
الشاب ييييى معلش يا زميلى مكنتش اعرف بس هى حلوة اوى يعنى يبختك
رؤيا عزيز متردش عليه خلينا نمشى
عزيز شاور لاتنين من رجالته كانوا واقفين بعيد شوية جم وأمرهم الشاب وهو بص لرؤيا وقال كنتى حابة تشوفينى وانا متعصب صح
رؤيا بقلق عزيز بلاش خناق وسيبه خلينا نمشى اصلا بص فى كمين هناك تقدر تنادى عليه ياخدوه
عزيز بجمود مش مرات عزيز سلطان اللى ويسكت قلع ساعته ونضارته وادهوملها وشمر أكمام القميص بكل ڠضب ودى كانت أول مرة اشوف فيها عزيز بالشكل دا والله 
ھجم على الشاب وضر به كتير كان متعصب اوى انا خۏفت عليه ليتأذى فجريت عليه وانا بحاول أوقفه 
عزيز خلاص ارجوك سيبه
عزيز پغضب ابعدى يا رؤيا روحى اركبى العربية
لا مش همشى من غيرك بقولك كفاية ليمو ت فى ايدك ارجوك
عزيز بزعيق بقولك امشى يا رؤيا
اټخضيت منه ورجعت لورا ولسة هبعد حسيت بضر بة شديدة على دماغى واخر حاجة فكراها هى لهفة وخضة عزيز وهو بيجرى عليا
عزيز بخضة وخوف رؤيا ...رؤيا فوقى ارجوكى ...اسعاااااف ..رؤيا انتى سمعانى ...فوقى يا رؤيا ...رؤيااااااا
رؤيا انتى سمعانى يا دكتور المړيضة فاقت يا دكتور
كنت بحاول افتح عيونى حاسة بصداع شديد مش شايفة حاجة كله ضباب غمضت عيونى تانى وروحت فى النوم ..
بعد كم ساعة فتحت عيونى براحة واخيرا فتحتها وانا مستغربة انا فين ومين الناس دى هى للدراجاتى الضر بة كانت شديدة 
رؤيا بتعب اه دماغى انا فين
الدكتور حمدالله على سلامتك يا آنسة رؤيا اخيرا فوقتى
رؤيا هو انا بقالى كتير نايمة ولا ايه
الدكتور يعنى تلات شهور
كدا كنتى فى غيبوبة
رؤيا بتشوش يااااه هى الضر بة كانت شديدة اوى كدا
الدكتور باستغراب ضر بة ايه
رؤيا بوهن الضر بة اللى اخدتها على راسى لما كنت مع عزيز وكان پيتخانق
الدكتور بس انتى عملتى حاډثة مش اخدتى ضړبة
رؤيا باستغراب حاډثة ومخدتش ضړبة ثانية كدا ....هو انا كنت بحلم مش حقيقة
الدكتور والممرضة بصو لبعض بدهشة ومش فاهمين حاجة فكملت بعدم تصديق يعنى انا مش اخصائيه تخاطب يعنى مفيش عزيز سلطان يعنى انا كنت بحلم بجد 
الدكتور آنسة رؤيا انتى مش فاكرة اى حاجة خالص
رؤيا بحسرة ااااه ياااانى طلعت بحلم يا ضاكتور طلعت بحلم يا حسرتى على قلبى
الدكتور اهدى يا آنسة رؤيا عشان متتعبيش تانى ..وهناديلك اهلك من برة
كنت مش مستوعبة حاجة حاسة پصدمة كبيرة ازاى كنت عايشة حلم جميل اوى كدا يارتنى ما فوقت يااارتنى 
دخلوا اهلى بلهفة وانا شوية شوية ابتديت استوعب اللى انا فيه ..
يعنى انتى مسمكيش ليل
ياستى اقسم بالله أسمى مها مهااا
وانا مش اخصائيه تخاطب وبشتغل وكدا
رؤيا حبيبتى انتى اصلا فاضلك سنة وتتخرجى اخصائيه ايه بس
ومفيش رجل اعمال اسمه عزيز سلطان فى قنا بيحبنى
لا برضو
حطيت ايديها على وشى وبكيت وانا مش مصدقة لسة وهى كانت بتطبطب عليا بتهدينى لغاية ما هديت وسبتنى لوحدى
كنت باصة بسرحان لشباك الاوضة وشريط الحلم كله بيمر قدامى افتكرت لما كسرت الكوباية وجابلى واحدة غيرها لما جابلى ايس كريم واتصورنا يوم كتب كتابنا اللى كان أشبه بفيلم رومانسى حتى عربية الفول وخناقتها افتكرتها ...مسحت دموعى وانا بضحك بسخرية على حظى حلم يا رؤيا حلم 
خرجت من المستشفى وبعد يومين راحة فى البيت حبيت أخرج واتمشى فى قنا ...روحت كل الاماكن اللى حلمت بيها وكنت ناوية اختم بالملاهى فعلا بس رجلى ودتنى على مكان تانى خالص..
لو سمحت
اتفضلى يا فندم طلبك ايه
عايزة نسكافيه بس
تمام
الكافيه كان فاضى شوية مفهوش ناس كتير وانا شربت النسكافيه وقومت عشان امشى بس خبطت فى واحد..
اه مش تحاسب يعم انت
انا اسف مقصدش انتى كويسة
صوته هو صوته لسة بيتردد فى ودانى رفعت راسى ليه واټصدمت اوى هو ...هو عزيز قلبى 
انت انت بجد ...ازاى
انتى كويسة انا ايه مش فاهم
رؤيا بلهفة انت عزيز سلطان صح
لا انا مش عزيز سل...اه اه ليه يا آنسة انتى
كنت ضړبته بشنطتى بغل و ازاى مش عزيز سلطان يعنى ها ازاااى
يا ستى اهدى ادينى فرصة اكمل انا أسمى عزيز فعلا بس عزيز محمد مش سلطان
هديت شوية وزميت شفايفى المهم فى عزيز يعنى وهو كمل هو انتى كويسة
كويسة اه واسفة على اللى عملته دا
لا ولا يهمك احم اتفضلى بوكيه الورد دا ليكى
مسكته باستغراب وقولت بحسرة وحدة خفيفة مجبتوش ابيض ليه لييييه
هى هتفرق يعنى من أحمر من ابيض معاكى
رؤيا بحسرة مهتفرقش اهو جبت ورد وخلاص ....ودا ليا انا ليه معلش هو انت تعرفنى
حمحم عزيز بتوتر وقال احم اصل انا يعنى ...اللى خبطتك بالعربية ووديتك المستشفى
عينيا وسعت من اللى سمعته قومت ضړباه بالشنطة تانى وانا بقول  
اه يا حيوان كنت هتموتنى سبتنى اموت موتنى يلا
عزيز بنفاذ صبر موتك ايه ما انتى زى القردة اهو قدامى
قردة فى عينك
عزيز طيب ممكن تهدى عشان نعرف نتكلم
رؤيا لا مفيش كلام انا همشى...وكنت لسة هخرج من باب الكافيه وقفنى لما قال تتجوزينى يا رؤيا
نفس دقة القلب نفس الرعشة الشعور الحلو اللى كان جوايا دا حتى دموعى نزلت لفتله وانا مش مصدقة خالص وفضلت ساكتة وهو كمل انا اعرفك من قبل الحاډثة على فكرة
الحقونى دايخ دايخ هاتولى مية بسكر بسرعة 
كمل عزيز من تلات شهور بالظبط انا فتحت الكافيه دا ولقيتك داخلة مع صحابك جذبتينى من اول ما شوفتك وفضلت مركز معاكى ...عدى اسبوعين وانتى لسة شغلانى وفجأة لقيتك داخلة تانى مع صحبتك بس اتبسطت اوى انى شوفتك من تانى 
وفى يوم كنت ماشى بالعربية وانتى فجأة طلعتى قدامى وخبطتك واهلك يعرفوا كل حاجة وعارفين بمقابلتى ليكى دى كمان ...ساكتة ليه 
ابتسمت بفرحة من غير ما ابصله وكلمت نفسى يعنى طلع فى عزيز بيحبنى من زمان برضو اهو اينعم تلات
شهور وقضيتهم نوم بس مش مهم فى حب وخلاص لا داحنا هنحقق الحلم بقى
عزيز بقلق رؤيا انتى كويسة مالك مسهمة مسهمة يعنى ساكتة ومش واعية شوية كدا كدا ليه
ها لا ولا حاجة بحاول استوعب اللى قولته بس
عزيز بابتسامة دا حقيقى علفكرة ها موافقة
رؤيا بعنجهية موافقة ايه يلا ادينى فرصة افكر هى زريبة من غير بواب ولا ايه
عزيز بتشنج يا ستار منك فصلتى اللحظة والله
إن كان عاجبك بقى
عاجبنى يا ستى
وابقى المرة الجاية هات ورد ابيض مبحبش الاحمر ولا اقولك متجبش ورد خالص خدنى عند ابو رفيق وهاتلى اتنين شاورما
واتنين ليه
واحد اكله معاك والتانى فى البيت ايه لسة هروح اعمل اكل انا عايزين نعيش
عزيز بضحك حاضر يا ستى هجبلك اتنين
مشكرين يا خويا
عزيز العفو يا ستى ....اارؤيا كنت عايز منك حاجة كدا
خير حاجة ايه
عزيز احم فى خاطرة كدا كنتى منزلاها على الاكونت بتاعك فحابب يعنى لما نرتبط كدا ناخد صورة عشوائية كدا وتنزليها وتكتبى عليها الخاطرة دى
رؤيا ماشاءالله دانت معاك الاكونت بتاعى بقى
عزيز اسكتى دانا من سعة ما شوفتك جبت الاكونت بتاعك وعملتلك فولو وكنت براقبك
رؤيا يا حلاوة يا ولاد مراقبة مرة واحدة وخاطرة ايه دى بقى
فتح عزيز فونه وجابلها الخاطرة وهى قراتها وبعدين ضحكت ضحكت جامد وهو ضحك معاها واتملى المكان بصوت ضحكهم 
ولاخر مرة نوقف الزمن هنا لحظة ونقول الحلم بيقلب واقع بس واقع هادى شوية وانا خلاص لقيت عزيز ...لقيت فعلا عزيز قلبى .....رجعت بالزمن واحنا لسة بنضحك من كل قلبنا ..وكدا نختم المشهد دا بالخاطرة اللى وقعت عزيز فى رؤيا وقد كانت..
لا املك فى الدنيا الا قلبى وقلبى عزيز لا يأخذه الا عزيز 
تمت بحمد الله
حلم
كريمةحمادة
وكدا نودع عزيز ورؤيا رغم أن التفاعل كان بيقل شوية بس حقيقى فى شوية كومنتات خطفت قلبى بجد وشكرا لاصحابهم فكرة القصة سببها فعلا الخاطرة الأخيرة دى وزى ما فكرت وخططت ليها كتبتها ومغيرتش ولا حدث وخليت الواقع اللى رجعتله رؤيا أشبه بالحلم شوية وان شاء الله كلنا نلاقى عزيز الى اللقاء فى قصة تانية تعجبكم إن شاءالله قراءة ممتعة احبابى