رواية خطة 707 بقلم ميرنا ناصر - البارت الأول للعاشر

لكن عمتو هدى لاء دى بتاعت صلاة وعبادة..وهى حكت حاجات من دى كتير.
بس هى عايشة فى الصعيد وخد بالك إن الصعيد دى كلها سحر وشعوذة يعنى ممكن تكون خرافات.
_ انا عارفة إنك بتوجدى حاجات تطمنك وإن دورى كمان أطمنك بس خلينا نحط الموضوع دا فى الحسبان ونفكر فى حاجات تانية 
ايه الحاجات التانية
_ إن الصعيد دلوقت بقى زي القاهرة بالظبط فى اختلافات بسيطة خالص.. ومش كلهم مشعوزين ودجالين ودا قالته برضو عمتو هدى. تانى حاجة إنك بتصلى وبتصومى وعمتو قالت ان اللى ببصلى مبتمسهوش حاجه شړ..يعنى دا ممكن يكون جن طيب لطيف.
اه ومؤمن وموحد بالله وبيغس اسنانه وبيشرب لبن بص ابعد عنى يا ياسر عشان انت بتقول كلام كويس فى البداية وبعدين بتقلب عيل فى إبتدائى.
_ههههه.. طيب أهدى هاتى دفتر المذكرات ده. 
أهو ..خير هتعمل فيه إيه
_هنكتب كل الإفتراضات وندور سوا على الفرض الصح فيهم. 
فكرة حلوة طيب يلا ابدأ.
_ ١ ممكن يكون دا فعلا ليه علاقة بالج ن والسحر.
٢إن تكون عندك موهبة زى بتاعت طه حسين لما قال إنه سمعه كان دقيق جدا بس الفارق إنك مفقتديش بصرك الحمدلله.
٣ ممكن تكون دى توقعات وإستنتاجات نتيجة إنك حد حساس بزيادة فى بيتهيأله حاجات غريبة.
٤_ انك تكون صاحبة كرامة ربانية.
كلهم فهماهم ماعدا صاحبة كرامة ربانية دى يعنى إية.
_يعنى انت حد بيصلى ومتعبدة وعلاقتك بالله قوية وحافظة كتابة وفهماه وعاملة بيه ليه ميكونش دا من چيفت..هدية من الله سبحانه وتعالى مكافأة ليك كل ما بتتعمقى فى الدين أكتر كل ما بتبعدى عن أى شړ وإثم ودا محتاج كرامة من الله وبعدين إحنا تاريخنا مليان وحافل بالكرامات الإلاهية. ف ليه لاء.
شكرا.
_على ايه
إنك قاعد بتحلل معايا مشكلة عندى وسايب حياتك واصحابك ومصدقنى.
_ بس هب ل انت توأمى..انت روحى. المهم هنبدأ نعمل إختبارات وتدريبات.
إختبارات عشان نعمل إكس على الفرضيات اللى مفترضها لحد مانتوصل للحقيقة لكن تدريبات دى بتاعت إيه!
برافو عليك التدريبات دى نتأكد من صلاحية الموهبة أو الكرامة.. او الحاجة اللى بتحصلك واحنا مش عارفين سببها
_مش فاهمة.. لاء انت بقيت مثقف من إمتى كدا! 
مش هضحك علشان إنت غلسة.. بصى ياستى الدريبات دى ممكن نعنصرها فى اربع حاجات
١ انت بتقدرى تسمعى ل كام متر بالظبط.
٢انت بتسمعى بجودة عالية فى أى أوقات وأى أماكن
٣ مين الناس اللى فعلا مش بتقدرى تسمعيهم
٤ايه اللى نعمله عشان الاماكن اللى فيها تجمعات متتعبيش منها بسبب سامعاك لكل الاصوات اللى حواليك.
لا انت يتعملك كوباية شاى على العظمة والدماغى دى.
_ اصل أنا مبحبش أتكلم على نفسى كتير.
ماشى..ماشى انا هعديلك النرجسة دى عشان بجد تفكيرك كان فى غاية الذكاء والفن.
_ أى خدمة يلا هبدأ.
هنعمل اية
_بص ياست البنات قاعد ربع ساعة وبابا يشيل مننا الموبايلات صح صح يبقى نلحق نستغل الوقت.
طيب ياباشا هنعمل ايه 
_ من أوضتك لحد باب الفيلا ٢٠ متر.
ومن أوضتك لحد بعد فيلا خالتك ٥٠ متر.
ومن أوضتك لحد فيلا حبيبة صاحبتنا اللى معانا دى فاكراها ٧٠ متر.
اه فاكراها إشمعنا حبيبة يعنى.
_بلفت نظرك للمكان عشان تبقى فاهمة ك علامة يعنى.
ك علامة أه .. لا لو علشان علامة ومالو.
_طيب بص ياستى انا هرن عليك أول ما أوصل لحد باب الفيلا إنت هتفهمى إن كدا إبتدت خطتنا.. وخطتنا كالآتى 
هقف عند باب الفيلا وارن دى الإشارة بينا وبعدها هقفل وانا هتكلم مع أشخاص مع بنى آدمين..مع أى حد وهسجل بالموبايل اللى حصل بالظبط وعلى الصعيد الآخر إنت كمان هتسجلى كل اللى سمعاه فويس نوت فى الشات بينا.
بعدها هتحرك على فيلا خالتى وهكرر نفس اللى حصل وانت على الصعيد الأخر هتنفذى اللى بيحصل برضو 
وهكرر دا لحد ال ٧٠متر وهنشوف النتيجة سوا 
اتفقنا 
________________________________________
بعد مرور ربع ساعة 
_جاهزة ياحاجة.
جاهزة يابنى.
توالت أصوات ضحكاتنا بعد تجمعنا لنرى نتيجة هذه التجارب ولكن قلبى كان يخفق بشده هل هنجح أم فعلا توقعات وتهيأت أم انا حقاصاحبة الكرامة الربانية أم لدى القدرة والموهبة ليكون ذلك نتيجة الجن حقا كلها أسئلة وصراعات تنهش عقلى دون حل دون الوصول إلى إجابة واحدة ومسمى واحد. 
_ يلا نسمع المكالمات بتاعتى الاول.
انت اتكلمت مع حازم يحيى دول فى الفون ملاك بعتله فويس نوت ..فى الواتساب..متكلمتش مع أى حد فى فى الشارع كله بالفون 
_ الله بقا!!! دى شكلها بجد ولا ايه.
ومالك إتخضيت ليه كأنك أول مرة تعرف.. ما انت اللى مقترح نعمل كدا..خۏفت ليه.
_هااا.. لا. احم احم انا..انا مخوفتش نبتدى. 
قمنا بتشغيل المكالمة المسجلة والمسجل الصوتى على الجانب الاخر الذى قمت انا بتسجيله
_يسر المكالمة مع حازم هى هى بالظبط.. هى ايه دا كأنك كنت معانا. يعنى كدا هنعمل علامة صح قدام ال٣٠ متر 
وهكذا قمنا بتشغيل المكالمة الثانية وما يقابلها من مسجل صوتى
_ وكدا برضو علامة صح قدام ال ٥٠ .
كدا انا ف