روايه زوجي المدمن بقلم مريم
لقيت صاحبه قاعد بيعبي حقنه.. دى نفس الحقنه إلى كانت في الحمام
(تعرف لو مكنتش جوزى كنت بلغت شرطة المخډرات)
طلعت بسرعة وقبل ميعطيله الحقنه زقتيت ايده والحقنة اترمت على الأرض
_اطلع برا يحيوان احنا ناقصين قرف
=متبقاش تزعل بقي لو اتأخرت عليك في الطلب بتاعك اهو مراتك السبب اهو
مشي بسرعة ورزع الباب وانا كنت واقفه لقيت كريم مقرب منى والسواد تحت عينه وبيترعش
_عاجبك إلى انتى عملتيه دا؟ انطقي
=يا كريم دا كان عاوز يعطيك....
_انتى مالك انتى زى الخدامة قبلتى تتجوزينى يبقي تستحملى بقي لكن تفضلى تتدخلى في حياتي مش هسمحلك، اعمل اى انا دلوقتى!!
=اهدى يا كريم.. براحة اتكلم براحة.. انت لي مش عاوزنى اساعدك لى بتعمل في نفسك كده
_ملكيش دعوة اطلعى من دماغي بقي
رجع لمكان الأنبول وكان فيه شويه
_انت هتعمل اى يكريم
=ادخلى جوا
_لا مش هسيبك تاخد القرف دا
=بقولك ادخلى بقي
مسكت ايده إلى فيها الأنبول وخدها وفضل يضغط على الأنبول لغايه متكسر في ايدى واتعورت وجبت ډم، فجأة ضربنى بالقلم اترميت بسببه على الأرض.. جريت على الاوضه وفضلت اعيط واشيل الازارز من ايدى كان ۏجع قلبي أصعب من الى برا.. مش هتصدقوا لو قولتلكوا انى مكنتش حاسه بۏجع ايدى ولا القلم إلى خدته الۏجع الحقيقي كان في منظر كريم..
بعدها بشويه طلعت من الاوضه عشان اغسل ايدى واحط عليها مرهم او اى حاجة
لقيته قاعد ومنزل وشه وحاطط ايده على مناخيره قربت منه وانا لسه بعيط
_كريم انت كويس؟
=انتى مين!!
_قوم معايا..
خده وحطيت راسه تحت الميا وفضل يقاوم بردو بس المرة دي كنت انا الى قدرت (بص اعمل مجهود وانا هعمل مجهود والبقاء للأقوى)
_بس يا أمل كفايه
=لازم تفوق
خده وحطيت الفوطة على راسه وعملته قهوة
_انتى ايدك اتعورت؟
=لا عادى مفيش حاجة
_انا متخلف انا اسف(يعنى انت تعمل كل دا وتقول اسف فعلا الاستروكس يعمل اكتر من كده يبنى)
_لاء عادى
=انتى مستحمله كل دا لى؟
_عوزاك تتغير
=وانا مش هتغير يا أمل
_لي يا كريم انت مش عارف انت في اى انت في دوامة نهايتها المoت سامع؟
=اسكتى بقي
_مالك يا كريم بتترعش كده لى
قربت منه ومسكت ايده لسه بيترعش وحالته بتزيد
_أ أمل خدى جيبي الحقنة دي بسرعة
=أيه؟
_عشان خاطرى ابوس ايدك حاسس ان المړض بياكل في جسمى ابوس ايدك يا امل
=بس...
_بس...
=ابوس ايدك مش قادر حاسس انى بمoت
لبست عبايه وطرحة وطلعت على الصيدليه زى المچنونة
_لو سمحت
=نعم
_ممكن الدوا دا
=أفندم؟ ادرينالين أسف دا بيطلع للحالات الخطړ
_فيه عندك مسكن قوى للجسم زى المخدر
=ايوة
_لو سمحت يا دكتور ممكن تيجى معايا البيت جوزى ھيموت ومحتاجة مساعدتك بسرعة يا دكتور
الدكتور ساب الصيدليه لصيدلى زميله وخد الشنطة بتاعته وروحنا للبيت
