رواية جميلة بقلم أمل عبدالرازق

- قلبه وروحه
- انا دايخه وتعبانه ومش قادره اتحرك من مكاني
- بسم الله الرحمن الرحيم، مالك يا حبيبتي ايه اللي جرالك فجأه ما انتِ كنتي كويسه
- لا يا مروان انا بقالي فتره حاسه اني دايخه وتعبانه بس كنت مش بحب اقلقك، لكن النهارده الو-جع زايد عليا اوي ومش قادره اتحرك من مكاني 
- قومي بسرعه نروح نكشف عليكِ
_____
- طمنيني يا دكتوره روح مالها 
- اهدى يا بشمهندس ان شاء الله مش عندها غير السلامه
- طيب ايه اللي جرالها
- مبارك ليكم مراتك حامل وفي الشهر الخامس 
- لا مستحيل
- والله العظيم مراتك حامل
- ضم مروان روح قائلا هتبقي ام يا روح 

بكت روح بشده لكن كانت دموعها دموع فرح وسعاده، فقد جبر الله خاطرهم، فقد كانت تلك دعوتها عندما رأت الكعبه لأول مره، وكذلك دعوة مروان ووالدته، سبحان الله الكريم على عطائه
- كنت واثقه ان ربنا هيجبر بخاطرنا، كنت عارفه انه مستحيل يخذلني انا كان عندي يقين انها هتفرج علينا وربنا هيكرمني وهكون ام لولادك، انا فرحانه اوي يا مروان 
سجد مروان شكرا لله على عظيم عطائه ثم قال
- حضرتك بتتكلمي جد يا دكتوره مش كدا 
- ايوه والله مراتك حامل وفي ولد كمان

- يا كرمك يا رب، ألف حمد وشكر ليك يا حبيبي، اللهم لك الحمد والشكر كما ينبغي لجلال وجهك وعظيم سلطانك، يعني انا هكون اب يا دكتوره

- ان شاء الله رب العالمين
- اخيرا يا روح، اخيرا يا روحي
- الحمد لله يا حبيبي
- انا كنت دايما بتصدق لله بنية انه يكرمني منك بطفل
- الحمد لله رب العالمين، الحمد لله، احنا هنكمل في إجراءات التبني
- لا في حاجه احلى من كدا، انا هبيع أرض من عندي وفلوسها هتروح للملجأ، وان شاء الله رب العالمين مش هنن-قطع من هناك، كلهم هيبقوا ولادنا
- ما شاء الله اللهم بارك، ربنا يكتبلنا الخير ويجبر بخاطر كل اللي بيتمنى طفل ويرزقهم السعاده اللي احنا حاسين بيها دلوقتي
- اهم حاجه راحه تامه للمدام
- طبعا دِ في عيوني
- ربنا يكمل فرحتكم على خير ويقر عينك ب ابنك
- اللهم آمين، ربنا يفرح قلبك زي ما فرحتينا يا دكتوره، يلا يا مروان بسرعه عشان نروح نفرح ماما
- يلا يا قلب مروان امي هتفرح اوي
- مروان
- قلب ونبض وروح وكيان مروان
-ربنا ما يحرمني منك وانا بحبك
- اللهم آمين ولا يحرمني منك يا روحي، دَ انا اللي بحبك وروحي فيكِ يا روح

تمت