رواية تاني حب بقلم ملك ابراهيم

الروايه الحديده روعه
انت ابن عمي وبس ياريت تقبل ان كل حاجة بينا خلاص انتهت
خبط علي الباب بقوة وقال پغضب طب افتحي الباب نتكلم.
اتكلمت من خلف الباب مفيش كلام بينا وانا خلاص هنساك ومش هرجع في قراري. 
رد بغيظ دا كان قراري انا على فكرة. 
اتكلمت بصوت عالي وهي جوه اوضتها انا برضه كنت بفكر في نفس القرار ده بس انت سبقتني واخدته. 
اتغاظ منها اكتر وقال ده كان احسن قرار انا خدته في حياتي. 
ردت بعناد وانا كمان. 
اكيد يعني مكنتش هتجوز واحدة مجنونه زيك. 
_ وانا كمان 

طب انا لسه بحبك. 
_ وانا كمان. 
ضحك وسند على باب اوضتها وهي كانت قصاده بتسند على الباب من جوه. 
اتكلم بصوت هادي انتي ليه بتعملي فيا كده 
ردت بحزن عشان انت اللي بتعمل فيا كده!
بعد عن باب اوضتها وقال بثقة صدقيني هتندمي وهتترجيني عشان نرجع لبعض وانا اللي هرفض ارجعلك يا مجنونه
ابتسمت وهي حاسه ان قلبها بيرقص من الفرحة انها قدرت توقفه علي باب اوضتها كده و ردت بنفس طريقته لسه هتشوف المجنونه هتعمل فيك ايه...
تاني_حب
بقلم_ملك_إبراهيم
طلع كامل على غرفتها بخطوات سريعه وهو متعصب جدا ومش عارف يعمل ايه معاها! وقف قدام غرفتها وخبط عليها بقوة وهي جوه مش سامعه من صوت الاغاني العالي. وقف يخبط كتير وفي النهايه قرر يفتح الباب ويدخل.
وقف پصدمة اول لما فتح الباب وشافها باللبس الرياضي اللي كان بيظهر رشاقتها ورافعه شعرها بطريقة تجنن 
كانت جميلة جدا بكل تفصيله فيها وبتخطف قلبه مع كل حركة بتعملها.. وقف يتفرج عليها ونسى هو كان جاي هنا ليه!
وهي بتتحرك شافته واقف على باب غرفتها وقفت الاغاني واخدت المايه بتاعها وقربت منه وهي بتشرب وبتلتقط انفاسها بسرعه واتكلمت بصوت متقطع من شدة المجهود اللي كانت بتعمله كامل.. في ايه.. انت واقف من بدري..
كان بيتأملها بنظرات عاشقه وقلبه بيخفق بقوة كان شايفها اجمل بنت في الكون كله ومتبعدش عنه ابدا.
استغربت فريدة صمته وهو بيتأملها شاورت بإيديها قدام عينيه كامل انت سامعني
هز راسه وهو بيبصلها واتكلم بهدوء ايوه.. هو انتي كنتي بتعملي ايه
فريدة كنت برقص زومبا.. ليه في حاجة
هز راسه لا مفيش..
استغربت فريدة كامل انت كويس
فاق اخيرا وافتكر هو كان جاي ليه وحاول يسيطر على مشاعره ويرسم ملامح جادة اه يا فريدة انتي بترفعي صوت الاغاني اوي والجيران بيشتكوا.
هزت كتفها بلا مبالاة بيشتكوا من ايه
كامل من صوت الاغاني العالي يا فريدة. 
فريدة ماشي يا كامل يعني أعملهم ايه 
كامل بعصبيه يعني تبطلي اللي انتي بتعمليه ده يا فريدة وتقعدي تذاكري او تشوفي حاجة تانيه مفيدة تعمليها.
فريدة بس انا بحب الرقص ده يا كامل ومش من حق اي حد انه يمنعني عنه.
كامل انا مش بمنعك يا فريدة.. كل اللي بطلبه منك انك متعمليش الحاجة اللي بتسعدك على حساب ازعاج غيرك.
فريدة بملل على فكرة انا زهقت اوي يا كامل من التحكمات دي.. نفسي احس اني حره واعمل كل اللي نفسي فيه.
كامل بعصبيه وانا كمان زهقت ونفسي تفكري في الناس اللي حواليكي شويه.
فريدة پغضب يعني قصدك ان انا انانيه
خلعت الدبلة من ايديها قبل ما تديه فرصه يرد عليها وحطت الدبله في ايديه وقالت اوعدك اني من اللحظة دي مش هفكر غير في نفسي وبس عشان ابقى انانيه بجد.
قفلت باب غرفتها في وشه وهو واقف مصډوم من چنونها وبيبص علي الدبله اللي بتخلعها تقريبا كل يوم وترجعهاله. هز راسه بقلة حيلة وراح غرفته.
خلف باب الغرفة كانت فريدة واقفه وبتكتم صوت بكاءها وبتتمنى انه يخبط عليها ويصالحها.. كامل كان بالنسبه ليها الاب والأخ والصديق والحبيب.. روحها وقلبها كانوا متعلقين بيه.. كبرت واتربت على ايديه وعمرها ما شافت راجل ينفع يكون في حياتها غيره! هو الحب الاول اللي فتحت عينيها عليها.. وقفت تبكي كتير خلف الباب واتمنت انه يرجع ويصالحها لكن امنيتها متحققتش وسمعت صوت
باب غرفته وهو بيتقفل. 
صباح اليوم التالي نزلت فريدة عشان تروح الجامعه وكانت شهد قاعده بتفطر مع مامتها وكامل.. قربت منهم فريدة وهي بتخفض وشها للارض واتكلمت بصوت حزين صباح الخير
اتعمد كامل انه ميردش عليها ولا يرفع وشه يبصلها و ردت عليها شهد ومامتها.
بصت فريده ل شهد واتكلمت معاها بهدوء شهد انا هسبقك على الجامعه.
رفع عينيه وبص عليها لما سمع نبرة صوتها الحزينه لانه مش متعود يسمع صوتها حزين كده.
حاولت انها متبصش عليه وكان كلامها متوجه ل شهد ونظرات عينيها بين شهد والارض. 
اتكلمت سميحه مرات عمها بستغراب مالك يا حبيبتي انتي تعبانه ولا ايه
فريدة لا يا طنط انا كويسه الحمدلله. 
سميحه طب ليه مش هتقعدي تفطري معانا. 
فريدة هفطر برا مع واحد زميلي هو عازمني على الفطار.
بصلها پصدمة ومامته بصت ل فريدة بذهول كتمت شهد ضحكتها لانها كانت متأكده ان فريدة لازم تعمل اي حاجة تعصب بيها كامل وتجننه.
وقف كامل من مكانه وقرب منها وهو بيتكلم بنبرة حادة هتروحي تفطري مع ميين
ردت فريدة ببرود مع واحد زميلي في الجامعه هو عزمني على الفطار وانا وافقت وبعدين انت مالك بيا انا حره.
كامل پغضب اه حره وماله!!
بص لأخته وقالها قومي يا شهد عشان اوصلكم الجامعه عشان فريدة تلحق تفطر مع زميلها.
استغربت فريدة من بروده واتحركت قدامه پغضب. ضحكت سميحه وقالتله بينه وبينها براحه عليها يا كامل هي اكيد عايزة تضايقك بأي حاجة عشان تصالحها.. صالحها يا بني عشان خاطري.
كامل بنفاذ صبر يا امي انا مبعملش حاجة في حياتي غير اني اصالحها.
اتحرك كامل وراها وهو بيكلم نفسه ومش عارف اخرتها ايه مع چنونها ودلعها ده. 
وقف بعربيته قدام الجامعه ونزلت شهد من العربية بسرعه قبل فريدة زي ما كامل اتفق معاها واتحرك كامل بعربيته بسرعه قبل ما فريدة تنزل.
اتكلمت معاه فريدة پصدمة انت رايح فين
رد عليها هعزمك على الفطار برا. 
ابتسمت بسعادة لانها فهمت ان كامل هيصالحها وبكده تكون نجحت خطتها. 
اخدها كامل لمكان جميل هي بتحب تروحه معاه وطلب لها الفطار اللي بتحبه ولبسها الدبلة المسكينه في ايديها تاني وهي كانت فرحانه جدا باهتمام كامل بيها وبحبه الكبير.. كانت بتتمنى ان اللحظات بينهم متنتهيش وكامل يفضل يحتويها ويعرف انها بتفتقد حنان باباها وبتحب تحس بحنيته عليها ولما بتزعل معاه بتبقى عايزاه يصالحها عشان تحس انها مهمة عنده وانه بيحبها ومش هيسيبها زي ما باباها عمل وسابها وهي طفله بعد مۏت مامتها وسافر عاش حياته! 
بعد يومين في الجامعه. 
قعدت فريدة مع البنات في الجامعه وكانوا بيتكلموا في مواضيع مختلفه وفي وسط الكلام عزمتهم صديقه ليهم على حفلة عيد ميلادها وقالتلهم انها هتعمل الحفله في مكان مشهور وهيرقصوا للصبح وقالتلهم علي برنامج الحفلة وفريدة اتحمست جدا انها تحضر الحفله دي.
رجعت فريدة
البيت وهي بتفكر ازاي هتقنع كامل عشان يسمحلها تروح الحفله وخصوصا ان شهد رفضت تروح الحفله دي لانها مش بتحب الرقص ولا الاصوات العاليه.
طول الطريق وفريدة بتفكر وكانت عارفه ومتأكده ان كامل هيرفض. 
قعدت في غرفتها بعد رجوعها من الجامعه وهي لسه بتفكر ازاي تقنعه.
وصل كامل البيت واستغرب ان