رواية جميلة والشعر الأبيض الجزء الخامس بقلم رحاب القاضي

فأنست بها أنس الغريب بالغريب.
_ قدام مدرسة ولاد يونس..
نزل من عربيته بسرعه وقرب من شهد اللي كانت قاعده علي كنبه خشب صغيره قدام المدرسه وحاضنه يوسف وبتعيط وقالها بقلق وخوف..
يونس
في ايه وايه اللي حصل وازاي يعني يتخطف من قدامك....
شهد پبكاء
مش عارفه والله كتن واقف بعيد عني شويه وانا اتلهيت في يوسف وببص عليه شوفت اللي حصل واللي قولتهولك..
يونس بعصبيه
وانتي دماغك فين تسبيه بعيد عنك ليه مش عارفه تاخدي بالك منهم اتنيلي قوليلي وانا اتصرف..
شهد پبكاء وخوف
قول كل اللي عايزه بس رجعهولي وو وهو مين اللي ممكن يخطفه اصلا وليه انا خاېفه اووي عليه يا يونس..

_قبل ما يرد عليها موبيله رن واول ما مسكه وشاف اسم اللي بيرن عليه زاد خوفه اكتر ورد وقال..
يونس
عايز ايه..
زكريا بسخريه
ما بلاش التناكه دي يا شبح انت ممكن تكون بلطجي ومتربي في الشارع بس مش قتال قټله واسمك ما بيتذكرش في جرايم زي العبد لله..
يونس پحده
عايز ايه...
زكريا بجمود
ما تدورش علي ابنك هو معايا..
يونس پغضب
وحياة امك لو ابني حصله حاجه لامحيك من علي وش الارض....
زكريا بهدوء
بس من غير رغي وكلام كتير ابنك معايا وانت مش هتعرف تاخده مني غير لما تسمع كلامي وتعملي اللي عايزه والا ورحمة امي اللي انت لسه جايب سيرتها ما هتشوفه تاني في عمرك كله..
_مسح يونس بأيده علي وشه وكان عيتجنن من فكرة ان ابنه دلوقتي مع مچرم زي ده وكانت حالة شهد اصعب منه وهي مش فاهمه ايه اللي بيحصل وسألت يونس وقالتله..
شهد
في ايه يزن فين يا يونس..
بصلها بقلة حيله ورد علي زكريا وقال بهدوء
هعملك كل اللي عايزه مهما كان بس ابني يرجع النهارده قبل بكره..
زكريا ببرود
اممم نسيت انا عايز ايه اقفل ولما افتكر هكلمك واقولك..
يونس پغضب
انت هتستهبل يااااه والله ااا..
_ قفل زكريا في وشه بعد ما اشعل غضبه وهو مستغل اقوي نقطة ضعف عنده وهي عائلته..
شهد پخوف
في ايه يا يونس ابني فين..
يونس بهدوء
هرجعه يا شهد مشكله في الشغل وو..
زعقت فيه وقالت
انا مالي بشغلك انا وولادي مالنا بيك..
يونس پحده
علي فكره ده ابني زي ما هو ابنك برضو...
شهد بعصبيه ودموع
بالاسم وبس انت مش بتحبهم ولا ليك فيهم حاجه انا وولادي ما شوفنااش منك اي خير كل حياتنا معاك تعب وبس واسمك ده كمان لسه بيتعبنا اما بجد زهقت منك وتعبت...
_بان وجعه من كلامه في دموعه اللي لمعت في عينيه ورد عليها بهدوء وقال..
يونس
برضو ولادي يا شهد ودلوقتي تيجي انتي ويوشف معايا لحد ما اخلص المشكله دي ونشوف هنعمل ايه..
شهد پحده
انا هروح لصبري وهبلغ ان ابني اتخطف..
يونس بجمود
ما ينفعش انا هرجعه النهارده قبل بكره يا شهد لو بلغتي الموضوع هيروح في حته وحشه..
_فضلت ټعيط بحزن وخوف وهو قرب منها ومسك ايدها وقالها بهدوء...
يونس
ما تخافيش والله هيرجع يا شهد انا مش هخلي ابني تحصله حاجه حتي لو كان التمن عمري كله..
سحبت ايدها منه وشالت يوسف وقالتله
انا هرجع البيت عند اخويا وانت كلم المدرسه الاول قولهم ان ما فيش حاجه لانهم مستنين نقدم بلاغ رسمي عشان اللي حصل ده حصل قدام المدرسه..
يونس بجمود
اركبي العربيه يا شهد انتي هتيجي معايا ما اضمنش وانتو بعيد عني ممكن يحصل ايهاستنيني في العربيه وانا هشوف الموضوع في المدرسه واجيلك..
_سمعت كلامه وكانت مړعوبه علي ابنها اللي مش عارفه هو فين وبيعملو فيه ايه دلوقتي..
بقلم_الكاتبه_رحاب_القاضي 
_في بيت جميله..
كانت قاعده خاېفه قدام فريده اللي واقفه قدامها وقالت پغضب..
فريده
قولي ان اللي سمعته ده اي كلام وانك بتهزري يلا..
جميله بهدوء
لا يا ماما مش بهزر وانا بتكلم جد دلوقتي عمار بيحبني وانا كمان بحبه وعايز يجي يقابلك ويخطبني..
فريده پحده
خبطوكي في عمود نور يا جميله عشان ارتاح منك مين ده اللي بتحبيه من همك بتحبي واحد يخلفك..
جميله وقفت وقالت
بلاش افوره يا ماما الفرق بيني وبينه في العمر مش كبير والله..
فريده پحده
هو ايييه اللي مش كبير ده ابنه طولك يا جميله ده راجل احنا مش قده ولا ننفع ندخل حياته اصلا..
جميله بضيق
لييه يا ماما ما انتي كنتي لسه هتخليه يقف جنبنا لو كنت هتجوز غيره..
فريده پحده
يقف جنبينا حاجه واني اجوزه بنتي حاجه تانيه انتي عايزه الناس تقول علينا ايه..
جميله
واحنا مالنا ومال الناس وبعدين هو عمار في ايه هيخلي الناس تتكلم ده اسمه يشرف اي حد...
فريده
في اي حاجه الا انه يتجوزك بالعقل كده الناس هتقول فريده جوزت بنتها لواحد قد ابوها عشان الفلوس وهيقولو اتجوزك عشان يتسلي بيكي ان ما كانش كده فعلا الموضوع..
جميله بدموع
يا ماما واحنا مش محتاجين فلوس احنا ورثنا اللي عند عمي بغرقنا فلوس وعمار مش قد ابويا ومش بيتسلي بيا هو عايز يتجوزني قدام الناس كلها..
فريده پحده
بطلي غباااء وهبل بقي واحد زي ده هيبصلك انتي ليه وعلي ايه. هيسيب الستات اللي حواليه دول كلهم مال وجمال ويتجوزك انتي ليه. ما تبقيش عبيطه وفكري كويس هو اللي زي عمار ده لو كان بتاع جواز كان اتجوز من زمان ايه اللي كان معطله...
جميله دموعها نزلت وقالت
بس هو قالي انه اا..
قربت منهة فريده ومسحتلها دموعها وقالت
هو يقول براحته بس انتي اوعي تصدقيه انا امك واعرف اكتر منك ده راجل لو محترم ما يبصش لوحده في سنك ولا زيك يتجوزها هيختار المناسبه ليه انما اللي زي دول بيبصو للبنات اللي في سنك بطريقه مش كويسه....
جميله پبكاء
انا فاهمه كلامك ده وكنت خاېفه منه بس هو هيتجوزني يا ماما...
فريده پحده
انتي مش فاهمه حاجه يا جميله ودماغك صغيره. والمشاعر دي جديده عليكي وممكن تاخدك لسكه غلط هو ممكن يتجوزك يومين ويطلقك هتبقي مبسوطه وانتي مطلقه..
جميله بحزن
لا طبعا..
فريده
يبقي تسمعي كلامي وتقطعي علاقتك بالراجل ده خالص..
جميله بدموع
حاضر يا ماما بعد اذنك..
_ قالت كلامها وسابتها ودخلت اوضتها وراحت وراها ايتن اللي كانت سامعه كل حاجه وقالتلها..
ايتن
انتي تبقي غبيه اووي لو صدقتي كلام ماما انا بجد مصدومه فيها ازاي تفكر كده..
جميله وقفت قدام المرايا وقالت بدموع
ماما معاها حق واحده زيي مش حلوه اووي ولا فيا اي ميزه وشخصيتي زي العيال الصغيره عمار المنشاوي هيبصلها ليه الا لو كان عايز يتسلي...
ايتن بحزن
لا الله انتي حلوه اووي و..
جميله بنبره متألمه
ما تكذبيش يا ايتن انا عارفه اني مش حلوه واني مش شبه البنات اللي في سني خالص واني مهمه عملت مش هكون زي بنات خالنا او قرايبنا عموما...
ايتن بضيق
لا والله انتي احلي منهم كلهم كفايه قلبك الطيب. 
جميله پبكاء
لا مش احلي منهم انا فاهمه كويس ليه ماما دينا بتاخدك معاها مناسبات قرايبنا عشان انتي احلي مني وبتلبسي وبتتكلمي احسن مني... 
ايتن بدموع
لا ماما ما تقصدش يا جميله بلاش تفكري كده..
ذقتها جميله بهدوء وقالت
اطلعي بره يا ايتن انا عايزه افضل لوحدي..
وقفلت باب اوضتها وراحت قعدت علي سريرها وهي بټعيط افتكرت كلامه ليها اللي حسسها انها مميزه وحلوه ورجعت تاني زي الاول شايفه نفسها مش حلوه بالمره..
_ مسكت موبيلها وعملت بلوك لرقم عمار ورجعته تاني مكانه ونامت وهي حاضنه العروسه بتاعته اللي جبهالها لما كانو في شرم الشيخ. 
شئ مؤلم أن يفقد المرء ثقته في نفسه
بقلم_الكاتبه_رحاب_القاضي 
_ وفي شركة عمار المنشاوي....
كان بيكلم يونس اللي قاعد قدامه وهو مدايق جدا وقاله..
عمار
طيب اهدي وانا..
قاطعه يونس
ما تقوليش اهدي لو سمحت انا ابني مخطۏف ومن اخوك اللي انت وانا عارفين هو ايه كويس اووي..
عمار بنفاذ صبر
طيب انا اعمل ايه دلوقتي لما يكلمك تاني نشوف عايز ايه..
يونس وقف وقال بعصبيه
هو انا جاي اشحت منك انت اللي دخلتني بينك انت والزفت اخوك وتتصرف وتطلع ابني بره الموضوع ده وبرضو مش هعديها معاه علي خير لان عيلتي خط احمر..
قدر عمار عصبيته وخوفه علي ابنه وقاله
انا مش قصدي اللي انت فهمته بس زكريا حوراته كتيره وما اعرفش هو ممكن يكون مخبي ابنك فين..
دخل عندهم عز الدين في الوقت ده وقال
في ايه يا جماعه صوتكم جايب اخر الدنيا ليه..
عمار بضيق
زكريا اخويا خطڤ ابن يونس...
عزالدين بجديه
طيب بالراحه والموضوع يتحل شوفو بس هو عايز ايه وايه غرضه من انه يخطف الواد....
عمار بضيق
ما هو ده اللي انا بتكلم فيه وهو مش فاهمني..
عز الدين
معلش يا عمار ده ابنه برضو واخوك مش سبونج بوب عشان الراجل يطمن ان ابنه كويس انت اخوك مچرم..
_في الوقت ده رن موبيل يونس برقم زكريا فرد بسرعه وقال..
يونس
ايوه انا معاك اهو...
زكريا بسخريه
ابنك ده بيحبك اووي حتي انه مش راضي يكلمك وبيقول عايز ماما بس ومش عايزك خالص انت عامل ايه للولد...
_مسك عمار الفون من ايد يونس اللي كان متعصب جدا بس خوفه كان اكبر علي ابنه وقال عمار پحده لزكريا...
عمار
الولد فين يا زكريا..
زكريا بجمود
اهلا اهللا طيب بما انكم مع بعض يبقي تنفذو اللي هقوله بالحرف الواحد...
_كان يقصد بكلامه يونس وعمار بس التلاته بصو للموبيل بأهتمام وقلق وهو قال...
زكريا
الساعه ٧ بالليل تيجي يا ابو يزن ومعاك اخويا ومعاه العقد اللي بيتنطط بيه ده وهبعتلكم العنون ولو بقي عملتو فيها ناصحين عليا انا هعرف اخلص نفسي بس الولد الصغير الامور ده هيروح في الرجلين تمام..
يونس بجديه
ما حدش هيعملك حاجه وكل اللي عايزه هنعمله بس ابني ما تحصلوش حاجه..
زكريا ببرود
بالليل هبعتلكم العنوان...
_قفل في وشهم كالعاده ويونس بص لعمار پغضب وقاله...
يونس
انت السبب وانت اللي تحل الموضوع مع اخوك..
عمار بضيق
حاضر..
وبص لعز الدين وقاله
خليك انت هنا وانا همشي ووقت ما يكلمك يا يونس كلمني وانا هجيلك..
طلع يونس وهو مدايق وقال عز لعمار
معلش يا عمار ده ابنه برضو وبعدين هو منفصل عن مراته وبيحاول يرجعلها واكيد اللي حصل ده هيبوظله الدنيا اكتر...
عمار اتنهد بضيق وقال
ماشي يا عز خليك انت هنا بقي ولو في حاجه كلمني..
_قال كلامه ومشي وعز الدين رجع مكتبه وكانت فيروز بتتكلم في الفون وهي مدايقه ولما شافته قالت لمامتها...
فيروز
خلاص يا ماما اكلمك وقت تاني..
_قفلت الفون وكان باين عليها انها مدايقه جدا وقالتله بكل هدوء...
فيروز
خير يا عز بيه حضرتك تؤمر بحاجه..
عزالدين
هو انتي عندك مشكله لو طلبت من عمار انه يدور علي سكرتيره تانيه وانتي تفضلي معايا هنا..
فيروز بتوتر
ااا اللي يشوفه عمار بيه انا موافقه بيه...
عز الدين
خلاص تمام يبقي هنكمل سوا كنتي بتكلمي مين بقي..
فيروز بعدم فهم
نعم..
عزالدين
كنتي بتكلمي مين وشكلك مدايق كده..
فيروز بجديه
لو حضرتك اخدت بالك انا كنت بقول يا ماما فأكيد كنت بكلم ماما يعني..
عز الدين
اممم انتي ليه بومه كده يا فايزه!..
فيروز بضيق
اولا اسمي فيروز ثانيا ازاي يعني بوومه مش فاهمه..
_فتح كاميرة موبيله ووقف جنبيها وحط الموبيل قدامها وقال..
عز
بزمتك دي خلقه اصطبح