رواية جميلة والشعر الأبيض الجزء التاسع بقلم رحاب القاضي

عمار وحضنته وقالت بهدوء..
كارما
الف سلامه عليك يا بيبي اول ما عرفت من المستشفي انك تعباان جيت علي طول..
بعدت عنه شويه وتابعت كلامها
ومش همشي غير لما اطمن عليك وتخف خالص واكيد هتبقي زي الفل ده انت معاك اشطر دكتوره في المستشفي كلها...
_ما ردش عليها وبص لجميله اللي كانت لسه واقفه عند الباب وكل تعابير الالم والحزن والغيره باينه عليها وقالها بنبره مستفزه..
عمار
في حاجه يا جميله..
_هزت براسها بمعني لا وخرجت بسرعه من عندهم ومشيت وهي بټعيط وكل اللي يشوفها يستغرب حالتها وجوه اوضة عمار اول ما مشيت جميله بعدت عنه كارما وقالت..
كارما
حرام عليك البنت اټصدمت اووي بجد صعبت عليا..
عمار بضيق
لازم تعرف انها غلطت غلطه كبيره لما سابتني..
ابتسمت كارما وقالت
لا من الناحيه دي اطمن ده هي وقعت في ايد اخبث خلق الله عمار المنشاوي المهم انا اهو سمعت كلامك وعملت قدامها الفيلم الهندي ده وبعدين..
عمار
ولا حاجه روحي بس قولي للدكتور اني همشي..
كارما
لا استني الدكتور قال عايز يعملك فحص شامل عشان يطمن عليك..
قام عمار وقال
لا مالوش لزوم روحي اعملي الاي قولتلك عليه...
كارما
اوكي..
عمار
كارما شكرا..
ابتسمت وردت عليه وقالت
العفو يا عمار احنا ديما في الخدمه..
_ وفي بيت جميله اول ما وصلت البيت كانت فريده قااعده مستنياها وقالتلها بعصبيه...
فريده
جيتي ليه ما لسه بدري بتكسري كلامي يا جميله اقولك لا ما تخرجيش بتسبيني وتمشي..
جميله بدموع
انا اسفه..
فريده بقلق
مالك في ايه...
جميله پبكاء
ما فيش حاجه بس انا تعبت يا ماما وانا مش عارفه ارضيكم كل واحد فيكم مش شايف غير انا زعلته في ايه وما حدش شايف انا ايه اللي بيزعلني ومهما تعبت وحاولت اوصل للحاجه اللي عايزها مش هوصل وهفضل طول عمري برضا بالامر الواقع واخسر وبس..
_خدتها فريده في حضنها وطبطبت عليها بحنان وقالت بهدوء..
فريده
خلاص طيب بطلي عياط وكل حاجه هتبقي كويسه وانا عمري ما هزعل منك يا حبيبتي انا بس كنت خاېفه عليكي عشان الوقت متأخر وما عرفتش انام حتي وفضلت قااعده مستنيااكي..
خرجت ايتن من اوضتها وقالت بضيق
وبعدين معاكم انا ما بقتش عارفه انام في البيت ده..
ضحكت جميله بهدوء وقالت
خلاص ادخلي نامي وانا كمان رايحه انام عشان تعبانه..
ايتن
طيب عمو عمار عامل ايه كويس..
جميله بضيق
امم زي القرد كويس..
_ قالت كلامها ودخلت اوضتها وايتن قربت من مامتها وقالت..
ايتن
شكلها اتخانقت معاه..
فريده بضيق
ربنا يصلح الحال ادخلي نامي..
ايتن
لا لا استني اا مروان عايز يجيب باباه ويجي عشان نشوف هنعمل ايه في موضوع جوازنا..
فريده
انتي عايزه ايه في الموضوع ده..
ايتن
اللي تشوفيه يا ماما طبعا الرأي ليكي يا ست الكل بس انا مش عايزه اطلق يعني ممكن نفضل كاتبين الكتاب كده ونبقي زي المخطوبين لحد ما هو يجهز ويبقي قادر يتجوزني..
فريده
ولو قولت لا...
ايتن بغيظ
يبقي هطفش واروحله يا فريده بس..
مسكتها فريده من ودنها وقالت
اومال ايه الرأي رئيك يا ماما دي بتاخديني علي قد عقلي يا بت..
ايتن بقلق
يا ماما ما هو ازاي يعني يطلقني عشان يخطبني وبعد. تلات اربع سنين يتجوزني تاني ازاي هااا..
فريده بهدوء
ما تخافيش انا هتصرف بس اللي انا هعمله هيكون عشانك عشان تبقي غاليه ويعرف قيمتك...
حضنتها ايتن وقالت
ربنا يخليكي ليا يا فيرو يا قمر انتي..
بقلم_الكاتبه_رحاب_القاضي 
_وتاني يوم الصبح في بيت المنشاوي..
دخل زكريا البيت وكان عماد نايم علي الكنبه ولما شافه قام وقال..
عماد
انت فين يا عم كل ده..
زكريا
جهاد فين..
عماد
من لما جينا ودخلت جوه وما خرجتش خالص حاولت اتكلم معاها ما ردتش عليا علي فكره مجدي قالها كل حاجه بخصوص شغلك..
اتنهد زكريا بضيق وقال
هو ده وقته كمان المهم انا قدمت كل حاجه معايا للشرطه وعزيز وزيدان معاهم..
عماد
بس كده. ممكن يقولو عليك انت ممكن تتاخد. معاهم في القضيه..
زكريا بجمود
يثبتو لو يقدرو..
عماد مسك الجاكيت بتاعه وقال
طيب انا همشي بقي خلي بالك من جهاد واتحملها يعني الموضوع كان صډمه كبيره بالنسبالها..
زكريا
طيب...
_ مشي عماد وزكريا قعد علي الكنبه اللي في الصاله وكان خاېف يدخل عندها وخاېف من المواجهه معاها وبدأ الندم يملي تفكيره بسبب كل اللي عملو زمان...
_ خرجت هي في الوقت ده من اوضتها وفي ايدها هدوم ليها وكانت رايحه الحمام واول ما عينها وقعت عليه بصت للناحيه التانيه بضيق ودخلت الحمام وقفلت الباب وراها جامد....
_وطلع هو موبيله وكلم مروان اللي رد عليه وقاله..
مروان
ايوه يا عمو معاك...
زكريا
وصلتو ولا لسه..
مروان
ايوه وصلنا بس جدو لما عرف ان بابا اټصاب صمم يجي معايا البيت..
زكريا
طيب خليه عندكم وانا هبقي اجي اخده..
مروان
ماشي انت كويس..
زكريا بصوت مخڼوق
ايوه كويس وخلي بالك من جدك وما تسيبوش لوحده كتير...
مروان باستغراب
ايه ده مين بيتكلم معايا ده انت كنت اكتر وا. بيدايق جدو بالكلام وديما بتسيبو لوحده..
زكريا
اخلص يا زفت وكمان ابقي تعالي عشان هديك ملف جهاد عشان تقدملها معاك علي اي كليه بس مش قمه اي كليه عاديه..
مروان بعدم فهم
جهاد مين..
زكريا بغيظ
جهاد مراتي يا متخلف..
مروان بتذكر
ااااه افتكرت مااشي خلاص انا هظبط الموضوع ده بس هي تقريبا حامل هتروح ازاي..
زكريا
قدملها بس والباقي يتحل...
مروان
حاضر... باااي..
_ قفل معاه زكريا وفضل قاعد مكانه لحد. ما هي خرجت من الحمام وكانت لابسه ديرس طويل وبأكمام طويله وبتنشف شعرها بالمنشفه الصغيره اللي في ايدها وما اهتمتش بوجوده خالص ودخلت اوضتها وقفلت الباب...
قام وهو ودخل وراها وقال
انتي رايحه فين..
ردت عليه وهي واقف قدام المرايا وبتسرح شعرها
مش رايحه مكان هروح فين يعني...
طلع سلاحھ وحطه علي الترابيزه جنبيها وقال
اومال لابسه كده ليه وانتي قاعده في البيت..
بصت للمسډس بتاعه بضيق وردت عليه
الهدوم البيتي بتاعتي بقيت دايقه اووي بسبب بطني اللي كبرت ومش هينفع البسهم..
_حضنها وهي واقفه قدامه وحطه ايده علي بطنها بهدوء وقالها بهدوء شديد...
زكريا
ابقي اخدك وننزل نجيب حاجات مناسبه ليكي ابني عامل ايه بقي..
_ اتنفضت پخوف بين ايديه من قربه ولمسته ليها وبعدت عنه بسرعه وقالت بضيق وانفاس متسارعه..
جهاد
ما تقربش مني كده تاني...
زكريا بهدوء
حاضر بس اهدي ما حصلش حاجه لكل ده يا جهاد..
جهاد بدموع
انا عايزه اطلق..
زكريا
ليه..
جهاد
كده كده كنا هنطلق ولا انت نسيت الاتفاق اللي بينا..
زكريا بجمود
ايوه نسيته من يوم ما حبيتك نسيته..
جهاد بسخريه
هو انت تعرف تحب اللي بېقتل الروح اللي خلقها ربنا بيعرف يحب..
غمض عيونه پألم ورد عليها وقال
ايوه عشان هو في الاول بني ادم مش حجر..
جهاد بضيق
وما كنتش بني ادم وانت بتعمل جرايمك دي..
زعق فيها وقال
لا ما كنتش وكنت اوحش بني ادم في الدنيا وانتي كمان اتأذيتي مني بس اتغيرت وعايز ابدأ من جديد وانتي بنفسك شوفتي حصلي ليه بسبب اختياري ده وكنت ھموت واخسرك واخسر ابني قبل ما اشوفه ولا هو حرام ابقي كويس وحلال افضل مچرم..
قرب منها ومسك ايدها وقال
انا حبيتك من زمان من اول يوم كنتي فيه معايا وانا ما بطلتش تفكير فيكي ولما عرفت انك اخت عماد تفكيري زاد اكتر وكنت عايز اجيلك واصلح كل حاجه بس ازاي وانا شايفك ملاك وانا كنت شيطان ولقيتك انتي اللي بتقربي ڠصب عنك وعني وخۏفت عليكي من نفسي ومن اللي حواليا وحاولت ابعدك عني بس من لما ظهرتي والله ما كنت عارف اعمل اي حاجه وحشه ومهما حاولت كنت بفشل وما اعترفتش ليكي بحبي غير لما بعدت خالص عن كل حاجه...
سحبت ايدها من ايده وقالت بدموع
مش هقدر اكون معاك ولا اكمل معاك ولا اقدر اخلي ابني يتربي معاك عشان انت ضعيف ولما حصلتلك مشكله روحت لاوحش طريق ومشيت فيه وما همكش حد..
زكريا پحده
وانتي لما اخوكي اجبرك تجيلي عملتي ايه ما انتي جيتي عندي ايا كان اللي حصل برضاكي او ڠصب عنك بس انتي جيتي وغلطتي ده اللي حصل معايا بأختلاف الموقف انا لقيت نفسي ڠصب عني ماشي في السكه دي انتي ندمتي وشايفه نفسك احسن مني وانا حرام عليا التوبه عندك وانك تسامحيني مع ان ربنا بيسامح وانا عشني فيه كبير انه يسامحني ولبدا من جديد بالحلال ومعاكي ومع ابني....
سكتت وما ردتش عليه وهو قال
انا مش هغصبك علي حاجه بس انا مش هسيبك وابني هيتربي معايا ومعاكي واحنا مع بعض يا جهاد..
جهاد بضيق
باباك فين..
راح قعد علي السرير وقال
عند عمار اخويا..
جهاد
هيرجع امتي..
زكريا
مش عارف براحته..
جهاد بتوتر
هو عماد هيرجع هنا صح..
زكريا پحده
لا هيجي بعمل ايه هنا وما تخافيش يا جهاد انا مش هاكلك..
جهاد بتوتر
لا مش خاېفه بسأل بس هو مجدي هيحصله ايه..
زكريا
هيتقبض عليه محكوم عليه ب سنين واختك سافرت بره مصر..
جهاد
ممكن اطلب منك طلب..
زكريا
طبعا.. خير..
جهاد
خلي عماد يدخل مصحه ويتعالج هو هيسمع كلامك..
ابتسم بهدوء وقال
حاضر بس ابقي قوليلو انتي هيسمع كلامك اكتر انا هنام شويه لو عايزه تنامي ما فيش مشكله ده ياريت بتبقي احلي نومه وانتي جنبي..
_رجعت شعرها ورا ودنها بحركه لطيفه مبينه توترها وخجلها وقالت..
جهاد
ااا لا انا هروح افطر عشان جعانه وهقعد بره..
_ وطلعت بسرعه وهو ابتسم بهدوء علي توترها وكسوفها منه اللي ديما بيخليه يعجب بيها اكتر...
بقلم_الكاتبه_رحاب_القاضي 
_ وعدي يوم في التاني والتابت وبعد اياام وابطالنا كل واحد فيهم بعيد عن التاني بتفكيره ومشاعره...
_في بيت يونس الصاوي وخصوصا في اوضة محمد واميره مراته كانت واقفه وبترتب في الشنط بتاعتهم ومحمد كان بيتكلم في الموبيل في البلكونه ولما خلص مكالمته دخل وقالها..
محمد
دي هاجر كانت بتطمن علي حامد..
ما ردتش عليه وهو قرب منها وقال
ممكن اعرف انتي ايه اللي مزعلك..
اميره پحده
لا ولا حاجه انا نكديه وشكلي بقي كده وهيبقي كده علي طول..
محمد بهدوء
زي القمر برضو وعاجبني..
حاولت تداري ابتسامتها وقالت
ممكن ما تكلمهااش تاني..
محمد
انا مش بكلمها اصلا يا اميره وكلامي معاها بيكون لما حامد يبقي معاياوبعدين ده يدايقك في ايه اصلا انا مطلقها وهي دلوقتي واحده متجوزه..
اميره بضيق
اصل انت ما بتشوفش نفسك وانت بتكلمها بتكون عامل ازاي..
محمد بنفاذ
بكون عامل ازاي يا لماحه هانم...
اميره بدموع
من غير تريقه يا محمد انا عارفه ومتأكده انك لسه بتحبها وانها مش عادي ووجودك معايا وكلامك ده عشان تمشي الدنيا انا مش بطلب منك تعمل حاجه بس ياريت تحترم مشاعري حتي لو هتكلمها او هتروحلها اكدب عليا بلاش الصراحه الزياده دي لانها بتوجعني ولا انت ولا اي حد هيحس بيا..
مسحلها دموعها بهدوء وحضنها بهدوء وقال
والله العظيم انتي فاهمه غلط جايز اوقات احن ليها وللعشره اللي كانت بينا بس والله ما بفكر فيها ولا بحبها قدك وانا بحلف ولما الشيخ محمد بيحلف بيكون صادق هاا..
ابتسمت بهدوء وبعدت عنه وقالت
خلاص طيب اوعي خليني اكمل توضيب الحاجه عشان نمشي..
محمد
البيت الجديد هيعجبك اووي علي فكره واتفقت مع امي ما حدش هيفرشه غيرك...
اميره بهدوء
حاضر..
محمد
خلاص بقي يا اميره فكيها وحقك عليا يا ستي لو كنت زعلتك او دايقتك من غير ما اقصد وبعد كده والله هاخد