رواية جميلة والشعر الأبيض الجزء العاشر بقلم رحاب القاضي

مشاكلك وانتي فاضيه اووي للمحڼ ده..
عمار پحده
مالكش دعوه بيها يا حيوان اديها الموبيل..
قفل زكريا في وشه وقال
اقسم بالله لو كلمتيه قدامي لانفخك انا مش ناقص شلل وما تتكلميش معايا في حاجه غير الشغل..
جميله بغيظ
طيب مش شغاله بس فكر لوحدك..
زكريا پحده
انتي عبيطه يا بت وانا مالي هو انا بفكر عشان مين مش دي شركتك..
جميله پحده
انت ما تزعقليش يالااا..
ضربها بالورق في وشها وقال
وانتي تبطلي تقوليلي يالاا دي هو انا بلعب معاكي ايه القرف ده..
جميله بغيظ
طيب اتنيل هاتلي حل يلاا..
زكريا بغيظ
يا شيخه ده انا کرهت الشركه باللي فيها بسببك وايه جراب الموبيل ده بقي في مديرة شركه محترمه تمسك موبيل بشخاليل..
اخدت منه الموبيل وقالت
مالكش دعوه بشخاليلي انا بحب الحاجات دي وشوفلي حل في المشكله دي يلااا...
زكريا
بصي انا لقيت الحل عمار كل سنه بيغير ديكور بيته كله وكمان الشركه الرئيسيه بس اللي بيعملو كده شركات اجنبيه فاحنا لو خلينا عمار يتعاقد معاكي هنبقي مش محتاجين دعايه وعشان انا كمان جدع معاكي انا ناوي اغير ديكور المطعم بتاع ابويا وكمان الشقه بتاعتنا هوسعها وهفتح عليها الشقه اللي جنبيها وهيبقي كله من هنا عندك ونعنل الدعايا علي الشغل ده وفي اسرع وقت...
جميله بسخريه
بص انت ومطعم باباك تمام انما عمار لا هو متعود علي الناس اللي معاه فبلاش احرجه واخليه يوافق علي حاجه مش عايزها عشاني...
زكريا
سيبي عليا انا الموضوع ده وعلي فكره مجرد ذكر اسم عمار في شغل شركاتك هينفعك جدا المهم دلوقتي انا وانتي عايزين نشوف شغل المهندسين القديم عشان نقسمهم بقي...
جميله
وانا عندي فكره احنا نقسم المهندسين لمجموعات علي حسب موهبة كل واحد وشطارته وبحيث ان تبقي في منافسه مستمره بينهم وكل واحد يطور من نفسه...
زكريا
حلو ما انتي دماغك شغاله اهووو اومال في ايه..
جميله
هي شغاله علي طول بس انا بخااف عليها من الحسد فبنيمها..
زكريا بسخريه
بلا نيله المهم خلينا الاول نتفق مع عمار..
جميله بتوتر
طيب اقولك علي حاجه يا زيكو وما تتعصبش..
زكريا پحده
لا...
جميله بغيظ
ايه الرخامه دي انا لسه ما قولتش علي فكره..
زكريا
عارف عايزه تقولي ايه فلا من غير ما تقولي..
جميله
طيب كنت هقول ايه..
زكريا
عايزه تروحي عشان تعرفي عمار هيتفق علي ايه مع امك..
جميله
برافو عليك صح يلا بقي انا هروح عشان الحق الخڼاقه من اولها..
زكريا پحده
اترزعي يا بت انتي هنا وهخرج انا اظبط كام حاجه بره وهبعتاك شغل المهندسين علي اخر سنه هنا في الشركه وهبعتلك رئيس القسم بتاعهم عشان تعملي الفكره اللي قولتيها...
جميله بغيظ
ياريتني ما قولتها يا ډم يااخدك..
رد عليها وهو طالع وقال
وياخدك يا بنت المجانين...
بقلم_الكاتبه_رحاب_القاضي 
_ وفي بيت جميله كانت فريده قااعده هي وعمار ومدايقه جدا وقالتله...
فريده
هو انت يعني بتلوي دراعي بمساعدتك لينا عشان اوافق..
عمار بهدوء
لا طبعا انا ما جيبتش سيرة الموضوع ده ومش هحط حاجه قدام حاجه ابدا انا بطلب منك اتجوز جميله لاني بحبها وهي كمان بتحبني واظن انتي عارفه حاجه زي دي كويس اوي..
فريده
بس انك تطلب مني تكتبو كتابكم النهارده وبعد اسبوع تتجوزو هو ده معقول..
عمار بجديه
ايوه معقول جدا انا مش عايز اعمل فترة خطوبه طويله انا وجميله نعرف بعض كويس ومش محتاجين وقت زياده نعرف فيه بعض اكتر من كده وبعدين انا راجل داخل علي الاربعين سنه وفاهم وعارف الاصول كويس وما فيش مشكله اني اتجوزها بسرعه..
فريده بضيق
جميله مش هتوافق..
عمار بثقه
جميله موافقه تكون معايا في اي وقت انا احدده بس هي مش عايزه تزعلك..
فريده
جميله بتسمع كلامي وپتخاف علي زعلي انت ليه بتحاول تخليها تخرج عن طوعي..
عمار
وهي ليه تفضل ديما تحت طوعك ماشي تسمع كلامك وتخاف علي زعلك بس مش تلغي شخصيتها وتختاريلها انتي كل حاجه حضرتك اذيتي جميله كتير من غير ما تحسي..
فريده پحده
اهو كلامك ده هو اللي ابنك بيقولو لايتن وخلاها تعمل اللي في دماغها من غير ما ترجعلي..
اتنهد عمار بضيق وقالها
يا مدام فريده بناتك مش وحشين بالعكس متربين ومحترمين جدا ودي حاجه تحتسبلك بس ليه بتخربيها بتفكير حضرتك ده ايتن ليها شخصيه وحضور لوحدها لا انا ولا مروان لينا دخل فيه وجميله طيبه وعفويه بزياااده ولما بتحب حد مستعده تعمله اي حاجه المهم ما يزعلش منها واكتر حد بتحبه في حياتها انتي والدليل ان برغم حبها ليا هي اختارت تبعد عني عشان انتي ما تزعليش اختارت رضاكي علي حساب ۏجعها بس حضرتك بقي عملتي ايه كنتي بتشوفيها مدايقه ومغصوبه علي واحد مش بتحبه وساكته واكبر غلط عملتيه في حقها انها اول ما اتخرجت من الجامعه خلتيها تحط في بالها انها لازم تتجوز وتقابل عرسان مش كويسه وانك ديما تجيبي اللوم عليها هي مع ان الجواز ده نصيب حتي في شغلها حضرتك غلطتي من البدايه لما سمحتي لعمها يجبرها تدخل كليه وتدرس حاجه مش حباها فطبيعي هي مش هتكون ناجحه في الشغل ولا حبااه لانه ما كانش هدفها..
_مسحت فريده دموعها اللي نزلت بحزن وهي بتواجه كلام عمار اللي كله صح وادركت مؤخرا مدي الخطأ اللي عملته في حق بنتها ابتسم عمار بهدوء وتابع كلامه ليها. 
عمار
انا مش بقول لحضرتك كده عشان تدايقي ولا تلومي نفسك بس والله العظيم انا بحب جميله وعمري ما هبخل عليها بحاجه تسعدها ومستعد ااخسر كل حاجه في حياتي الا هي ومروان ابني عشان ما عنديش اغلي منهم..
اتملت عيونه دموع وشاور علي قلبه وقالها بهدوء
عمري كله وانا قلبي ده قافل عليه وخاېف ادخل اي وحده حياتي عشان ما اتعبش وخاېف كنت احب واحده تحط نفسها في مقارنه مع مروان وعمري ما كنت اتخيل ان بنت بنفس شخصبة جميله كده تعمل فيا كده وتخلي قلبي ما يتحركش غير ليها ومهما اوصفلك اللي عملته فيا جميله من اول ما ظهرت في حياتي مش هقدر الاقي كلام يوصفه بس اللي اقدر اقولهولك ان جميله هتكون اسعد واحده معايا وعمري ما هزعلها ولا هعمل حاجه تدايقها...
ابتسمت فريده بهدوء وردت عليه وقالت
انا موافقه بس انت متأكد ان جميله موافقه...
عمار بنبره سعيده
اكيد موافقه المهم لما ترجع تبلغيها ان كتب الكتاب النهارده بالليل ومش هعزم حد كتير يعني المقربين وبس عشان الناس يبقي عندهم خبر بجوازنا..
فريده
ربنا يقدم اللي فيه الخير يا عمار...
بقلم_الكاتبه_رحاب_القاضي 
_وقدام مركز رياضيجيم..
كانت واقفه ايتن وبتقلب في موبيلها وهي مستنيه مروان اللي اتأخر عليها وفجأه قرب منها ايهاب وقال... 
ايهاب
واقفه كده ليه يا ايتن تعالي انا هوصلك في طريقي. 
ايتن بضيق
لا شكرا مروان جاي دلوقتي...
ايهاب بسخريه
امم مروان اللي هيتجوزك بفلوس ابوه سمعت خبر جوازكم انتي ازاي يا بنتي تتجوزي واحد ابوه بيصرف عليه...
ردت عليه پحده وقالت
وانت مالك اصلا وبعدين مروان ارجل من ان واحد زيك يجيب سيرته وعلي فكره هو شغال مع باباه شوف مين اللي داير يتصرمح بفلوس ابوه وامه..
ضحك ايهاب بسخريه وقالها
وانتي صدقتي يا بنتي تلاقيه هيتسلي شويه ويسيبك سندي صحبتك قالتلي علي الشروط بتاعت مامتك اللي هو وافق عليها بالعقل كده واحد لسه بيبدأ حياته هيورط نفسه بالالتزامات دي ليه..
ايتن ببرود
واحد زيك مش هيفهم مروان بيعمل كده عشان هو راجل وانت ما تعرفش حاجه عن الرجوله..
مسكها من دراعها جامد وقال
وحياة حبي ليكي يا ايتن اللي مش شيفاه ولا عايزه تشوفيه ما هخليكي تتهني بيه المړيض ده..
ذقته وقالت بدموع
ما حدش مريض غيرك وايااك تفكر تلمسني تاني..
_ في الوقت ده وقف مروان بعربيته قدامهم ونزل بسرعه من العربيه ووقف قدام ايتن ومسك ايهاب من هدومه وقاله بعصبيه..
مروان
مالك بيها يا يالااا عملتلها ايه..
_ماردش عليه ايهاب وكان بيبصله بسخريه وشماته وبسرعه ايتن مسكت ايد مروان وقالتله بدموع وخوف...
ايتن
عشان خاطري يا مروان سيبه هو ما يستاهلش اننا نقف ونتكلم معاه اصلا..
تجاهل مروان كلامها وقاله بنبره غاضبه
والله لو شوفتك قريب منها تاني حتي لو صدفه انا هخليك تعمل اقامه في المستشفي اللي انت متعود تروحها لما بقل منك فاكر خليتك تروحها كام مره ولا تحب افكرك...
_ قال كده وذقه جامد ومسك ايد ايتن اللي كانت واقفه خاېفه واخدها ومشي وكانت قااعده في العربيه بټعيط ومروان قالها پحده..
مروان
ما تتكلمي يا ايتن في ايه قالك ايه يخليكي ټعيطي كده والله ارجع اديله بالجزمه..
ايتن مسحت دموعها وردت عليه وقالت
ما فيش حاجه بس الموقف ما كانش لطيف فأدايقت..
مروان
مش هيتعرضلك تاني ولو حصل انا هعرف اوقفه عند حده..
ايتن
لا لا انا اصلا هشوف جيم تاني اروحه عشان ما اشوفوش خالص..
مروان
لا مش هتغيري حاجه هو احنا هنخاف منه طيب خليه يوجهلك اي كلام تاني..
ايتن بضيق
ايوه عشان تروح تتخانق معاه وتبقي فضايح لو سمحت يا مروان انا مش عايزه اروح هناك تاني مش عايزه اروح اي جيم تاني اصلا...
مسك ايدها وهو سايق العربيه بأيده التانيه وقال
ممكن تهدي طيب واللي عايزاااه اعمليه المهم لازم تروحي لجميله زمانها هتتجنن دلوقتي...
ايتن بقلق
ليه مالها جميله حصل ايه..
مروان
كتب كتابها هي وبابا النهارده..
ايتن
بطل هزار بقي..
مروان
والله العظيم بكلمك بجد..
ايتن ببنبره سعيده
طيب بسرعه روحني انت كل ده عمال ترغي وما قولتليش..
_ ابتسم مروان بهدوء لساعدتها واخدها وراحو بيتها واول ما وصلو نزلت ايتن بسرعه ودخلت البيت وقالت لفريده بعدم تصديق..
ايتن
ماما الكلام اللي قالو مروان حقيقي جميله هتتجوز عمو عمار النهارده..
قامت فريده وحضنتها بهدوء وقالت
ايوه يا حبيبتي عقبال ما افرح بيكي انتي كمان..
ايتن بفرحه كبيره
طيب هي فين اوعي تقولي لسه في الشغل ..
فريده
لا يا حبيبتي هي فوق بتحاول تستوعب اللي حصل..
_ طلعت ايتن بسرعه فوق وفي الوقت ده كانت جميله في اوضتها وبتكلم عمار وبتقوله..
جميله
يعني برضو ما فهمتش قولتلها ايه عشان توافق..
عمار بهدوء
قولتلها عايز اتجوز جميله قالتلي موافقه بس كده..
جميله
ما تهزر يا عمار بقي دي موافقه ومبسوطه الاتنين انت متخيل ان ده حصل اصلا..
عمار
بصي والله انا مشغول دلوقتي فاقفلي عشان اخلص اللي ورايا وافضالك يا عروسه..
جميله
ايوه صح انا عروسه النهارده ومش اي عروسه ده انا عروسة عمار المنشاوي يعني لاوم ابقي حلوه عمار انا حتي ما جيبتش الفستان..
عمار بنفاذ صبر
الفستان بكل حاجه ممكن تحتاجيه جيالك في الطريق وانتي اصلا حلوه وزي القمر من غير اي حاجه وتشرفي اي حد اقفلي بقي..
جميله پحده
في ايه هو انت مش طايقني ليه بس انا فهمت انت هتتجوزني عشان ټنتقم مني وبس انا اصلا مش مصدقه انك سامحتني..
عمار بعصبيه
بت انتي كلتي دماغ امي من اولها بصي اقفلي وكلمي صحابك بجولك وطلعي عليهم هرموناتك دي بعيد عني دلوقتي..
جميله بضيق
طيب براحتك مش عايز تشاركني اللحظه ماشي اقفل. 
ابتسم عمار ڠصب عنه وقالها
طيب بحبك..
ابتسمت بخجل وردت عليه
وانا كمان بحبك..
دخلت ايتن