رواية جميلة بقلم أمل عبدالرازق

 واخد بالي، هو انتِ مش شايفه مراتي اللي ماسك ايديها دي
- مراتك دي مافيش من وراها خير من ساعت ما دخلت بيتنا، اول ما اتجوزتها ابوك م١ت وجالك فشل كلوي وحياتك كانت حزن بسببها
عند سماع روح لتلك الكلمات القاسيه بكت كثيرا ثم دخلت إلى غرفتها وأغلقت بابها
- مروان نظر لأمه بحسره وأل-م و قال بعتاب : انتِ بتتكلمي على روح كدا ازاي يا ماما، انا بجد مش مستوعب اللي انتِ قولتيه، كلامك وجع قلبي ما بالك بروح هتكون عامله ازاي، روح اللي وافقت تتخطب ليا وانا مريض وبغسل كلى ومن قبل ما اعرفها وانتِ عارفه كدا كويس يا ماما، روح اللي اتبرعت ليا بكِليتها وفضلتني على نفسها، روح اللي فضلت جنبي وفي ضهري وسبب سعادتي، تجرحيها وتقوليلها كدا، مش حرام كس-رة نفسها وكلامك الجا-رح ليها، دا بدل ما تشكريها على وقوفها جنبي وسهرها على راحتي وتدعيلنا بالحياة السعيدة وربنا يرزقنا بالذرية الصالحة، لا تقرري من نفسك انك تجوزيني يا ماما

- لو مسمعتش كلامي لا هتبقى ابني ولا اعرفك و مش هتشوف وشي تاني، انا روحت طلبت بنت خالتك والناس مرحبه، بس شرطهم انك تطلق روح وتيجي بيتها ملكه، انا ليا حقوق عليك ومن حقي افرح بيك وبولادك، مراتك مش نافعه يبقى تروح لحال سبيلها، انا اصلا كنت مستحملاها

 عشانك، ابني الوحيد ومش عارفه اجوزه على مزاجي ولا اختار عروسته، جه الوقت اللي افرح بيك فيه، بكرا تقولي قرارك واعرف انك لو عصيت كلامي لا انت ابني ولا اعرفك
- انا مش مصدق الكلام اللي بسمعه، انا بجد مصدوم، امي اللي المفروض تكون رؤوفه بيا وبحالي واحس بحنيتها عليا، هي اللي عايزه توجعني وتكس-رني وتبعدني عن مراتي الانسانه الوحيده اللي بحبها، وكل دا عشان كشفت مره ولا مرتين والدكتوره قالت لها كلام فارغ، احنا لسه صغيرين وربنا هيكرمنا وانا واثق في ربنا، مش هطلق مراتي يا ماما

- لو فضلت على زمتك تحرم عليا ليوم الدين
- انا لله وانا اليه راجعون... اللهم أجرني في مص-يبتي، لا حول ولا قوة الا بالله، حرام الكلام اللي بتقوليه دا يا أمي، اهدي يا حبيبتي انا مش عايزك تزعلي مني، تعالي نراضي روح ولا كأن حاجه حصلت
- أراضي مين؟! انا قولت اللي عندي بكرا عايزه اسمع قرارك عشان نروح نخطبلك
-.........
_____
- ممكن تفتحيلي الباب يا روح
-......
- بالله عليكِ ردي عليا يا حبيبتي متوجعيش قلبي
-......