رواية جميلة جدا بقلم منه الله خالد

=خلاص ماشي.
_"أتكلم بحب وعيونه منزلتش من عليها" محتاجه حاجه قبل ما امشي؟!
="أتكلمت بكسوف" توصل بالسلامه يا يونس، أبقى طمني عليك لما توصل.
_"أتكلم بمناغشه " ايدا ايدا، الجميل خايف عليا ولا ايه؟
=" أتكلمت بكسوف اكتر" مع السلامه يا يونس.
_"يونس بضحك" هعديها المره دي بس بعد كده مش همشي الا اما اسمعها.
" كنت ع بعد خطوات منهم بس..بس سمعاهم، الكلام ده بيطلع منه ليها، مع أنه المفروض يكون ليا، اه يا غُلبك يا يارا من حب يونس اهه.
ركب يونس العربيه وانا ف حالة صمت غريب الكل اخد باله منه، لقيت خالتوا بتتكلم ف محاوله أنها تعرف فيه ايه.

_يارا، ايه يا حبيبتي من وقت ما قرينا الفاتحه وانتي ساكته كده، لا أسكتن الله لكي حساً يا حبيبتي.
=" يونس أتكلم وهو بيبصلي " لا يا ماما متخافيش هي ساكته بس عشان ما أكلتش انما تاكل وهتبقي زي الراديو.
"بصيتلهم وسكت، معرفش كنت ساكته كده ازاي ؟، مقومتش ضـ،ـربته ليه عشان راح لغيري؟، بس هو مش بمزاجه، قلبنا احنا ملناش سلطة عليه، بس أنا تعبانه وتعبت، ربنا يعدي الايام دي ع خير من غير ما اروح فيها
.
وصلنا عند البيت وخالتوا وماما نزلوا، جيت أنزل لقيت يونس بيمسك إيدي بصيتله وكنت لاول مره ملاقيش نفسي فيهم، كنت ببصله وعايزه اعيط واقوله بلاش تعمل كده، عشان خاطري بلاش، فضلت باصه ليه لحد ما أتكلم 
_ها يا ستي، مالك بقى فيكي إيه ؟!
="أتكلمت بهدوء" انا كويسه مالي يا يونس.
_"أتكلم بشك" متأكدة من اللي بتقوليه ده.
=أيوه يا يونس متأكدة من اللي بقوله، المهم مبروك وربنا يتمم لك بخير

أنا.. أنا هطلع بقى عشان ورايا مذاكره كتير وأنت عارف وكده، سلام.
"يونس "
نزلِت من العربيه وأنا ببص عليها بشئ من الشك والاستغراب، مش عارف هى ساكته كده ليه، أو بتتكلم وهى زعلانه بالشكل ده ليه، يمكن عشان أنا هخطب وهى هتبقى لوحدها وكده، بس ليه، اههه يلاهوي نادين.

مسكت الفون واتصلت عليها وطمنتها اني روحت وكده وحاولنا ندور ع ميعاد عشان ننزل نجيب الشبكه بس لسه محددتش، قفلت معاها وقومت اكلت مع امي ونمت.

يارا" 
نزلت من العربيه وانا قلبي بيوجعني اوي، طلعت ودخلت اوضتي وقفت قدام برواز فيه صوره بتجمعني بيه بصيت لها ودموعي نزلت ڠصب عني ومعرفش فضلت قد إيه سرحانه بفكر لحد ما ماما نادت عليا عشان اتعشي.
_يارا، يارا، يلا يحبيبتي عشان تأكلي ياماما.
= " أتكلمت وأنا ف الاوضة " مش قادره يا ماما أكل معلش كلي أنتي.
_"فتحت الباب ودخلت عليا " مالك يا حبيبتي فيكي إيه، من وقت ما قرينا فاتحة يونس وأنتي مش مظبوطه، فيكي إيه؟!
=" أترميت فحضڼها بعياط " بحبه ياماما بحبه اوي 
_"أخدتني في حضڼها وطبطت عليا" طب ليه مقولتيش يا يارا ولو حتى ليا، ده انا ماما يا يارا، ومش بس ماما ده انتي صحبتي واختي وكل اللي ليا يحبيبتي، ليه يا حبيبتي ؟
= "أتكلمت بعياط" كنت شايفة أنه ممكن يحبني، كنت شايفه إن قلبه هيحس بيا، بس..بس أنا موجوعه أوي أوي يا ماما.