رواية جميلة جدا بقلم منه الله خالد

=خلاص يا ابني مفيش مشكله بس ياريت ما تتأخروش.
_ حاضر يا عمي، مع السلامه.
قفلت معاه وبدأت اجهز نفسي وأنا بفكر إني لازم اشوف ايه اصل الموضوع ده.
نزلت وركبت العربيه وروحت اخدتها من تحت البيت وروحنا كافيه قعدنا نتكلم وهى تضحك بس هى قامت تدخل الحمام وقتها هى كانت سايبه الفون مكانه، مسكته فتحته وبعت رسالة من الفون بتاعي لفونها ودخلت عليها كانت زي الهاك و ف خلال دقايق الفون بتاعها كان على فوني طبعا مكنتش بدور ف الصور ولا أي شيء قد المحادثات اللي عندها ولقيت إن كلام يارا حقيقي، لقيت إنها كانت على علاقه بشخص ولكن الع1لاقه تطورت لحد مكانش ينفع توصله وهو اتخلى عنها، وقت ما كنت بقرأ الكلام ده كنت بلعن غبائي، شويه وجات واتكلمنا كأن شيئاً لم يكن.

_نادين، هو أنتي كنتي على علاڤة بحد قبلي؟
= "ردت بتوتر " هه، إيه الكلام ده يا يونس، لأ طبعاً أنا مكلمتش حد قبلك أو كده واكيد لو كنت هرتبط ف كان هيبقى خطوبه زي ما هنعمل يعني، مش يلا نروح ولا إيه ؟
_ لأ أوي أوي نروح وماله.
ناديت للويتر وجاب الشيك وحاسبت ومشينا فصمت تام، كانت طول الطريق بتفرك ف إيدها من التوتر، وأنا كان مش شاغل بالي قد اللي مصدقتهاش دي، لازم أفكر في حل ويكون منطقى عشان اقدر اخرج من الموضوع ده.
"يارا" فضلت ف اوضتي من وقت ما أتكلمت مع يونس، بس مش زعل ولا أي شيء قد ما كنت عايزه أشغل نفسي بأي شكل من الأشكال عشان ما افضلش افكر واضايق نفسي، بس لقيت نوتيفيكيشن من يونس إنه عايزني ع السطح، تجاهلت الرساله و كملت قعدتي مع ماما، لقيت الباب خبط روحت فتحت وكان..يونس
= ممكن افهم مطلعتيش ليه زي ما قولتلك؟
_ وأطلع ليه يا يونس، هو أنا مش قولت ملكش دعوه بيا تاني؟!
="قرب إيده من دماغي وشډها لقدام"يارا فوقي كده هو أنا ابن الجيران اللي اتخانقتي معاه وقولتيله ما يلعبش معاكي تاني، أنا يونس يا يارا، يونس اللي أنتي طلعتي ع إيده، يونس اللي عمره ما خبى عنك حاجه، يونس اللي أنتي عارفه عنه اللي أمه متعرفهوش، عارف إني غلطت بجد وحقك عليا وعارف إني مهما اقول مش هتسامحيني، بس أنا عرفت قصدك وعرفت هعمل ايه كويس، بس خليكي معايا، أنا طلعت مش بعرف أعمل حاجه من غير وجودك.

_"أتكلمت بدموع" ياه يا يونس كان فين كلامك ده وأنا بحاول افهمك، وأنت تقولي أنا متضايقه إن فيه حد أخد مكاني، أنا اسفه يا يونس أنا مش قابله اعتذارك ده، ع الأقل دلوقتي، بعد أذنك.
هو متخيل أنه اول ما هيقول اسف هقول معلش ومتعملش كده تاني، لأ الكلمة اللي اتقالتلي كان أثرها تقيل على نفسي، أو انا فعلا سامحته، بس خليه يتربى شويه.
_ أنا نازله يماما، محتاجه حاجه ؟
= لا يحبيبتي، أومال فين يونس؟
_معرفش يا ماما، وبعدين أنا مالي بيه، واحد ومعاه خطيبته أنا مالي؟
="أتكلمت بضحك" طب بس بس، إيه اول مره تتكلمي ولا إيه؟، خلاص يحبيبتي، لما توصلي كلميني عشان اطمن عليكي و وانتي راجعه كلميني عشان لو احتاجت حاجه ماشي.
_ماشي يحبيبتي، سلام.
فتحت الباب لقيت يونس بيمسك باب الشقه بتاعهم وبيقفله بصيتله وتخطيته ونزلت لقيته بيشدني من إيدي اول ما خرجنا للشارع "بصيتله بعدم فهم"
= انتي فاكره نفسك رايحه فين؟
_رايحه فين إيه، رايحه الكليه.
= ومن أمته وانتي بتروحي الكليه لوحدك؟
_ من النهارده يا يونس، عندك مانع؟
="بدأ يتعصب" يارا أصطبحي كده و قولي يا صبح واركبي يلا عشان نتحرك عشان انتي أتاخرتي وأنا كمان أتاخرت.
_ ومين قالك إني أتاخرت، انا هركب تاكسي وهروح لوحدي أيا كان عندي إيه، مش هركب معاك يا يونس.
شديت إيدي مِنه وأول تاكسي وقف قدامي ركبت فيه وسط ذهوله بس احسن عشان يتعلم ويفكر بعد كده ف الكلام اللي بيقوله جيت أنزل من التاكسي لقيت إنه كان ماشي ورايا بالعربيه بس الغريب إنه مكانش معاه نادين، واللي مفهمتوش معنى كلمة عرفت قصدك وعرفت هعمل ايه، معقول يكون واجهها؟
أنا مالي هو أنا اللي هقع ف المشكله ولا هو؟